උත්සව සමය තුළ ජනතාවට සුරක්ෂිත සහ සාමකාමී වටපිටාවක් නිර්මාණය කිරීමේ අරමුණින් විශේෂ ආරක්ෂක වැඩපිළිවෙළක් ක්රියාත්මක කර ඇති බව ආරක්ෂක අමාත්යංශය නිවේදනය කර තිබේ.
ආරක්ෂක ලේකම් එයාර් වයිස් මාර්ෂල් සම්පත් තුයිය කොන්තා මහතාගේ උපදෙස් පරිදි මෙම පියවර ගෙන ඇත.ත්රිවිධ හමුදාව, ශ්රී ලංකා පොලිසිය සහ බුද්ධි අංශ නිලධාරීන්ගේ මූලිකත්වයෙන් මෙම විශේෂ ආරක්ෂක යාන්ත්රණය ක්රියාත්මක වේ.
මෙම ඒකාබද්ධ වැඩපිළිවෙළ මඟින් අලුත් අවුරුදු සමයේ දිවයින පුරා පැවැත්වෙන විවිධ උත්සව, සංගීත සංදර්ශන සහ ආගමික වැඩසටහන්වලදී ආරක්ෂක කටයුතු සම්බන්ධයෙන් අධීක්ෂණය කරනු ලබන බවද නිවේදනයේ සඳහන්.
එමෙන්ම මේ සඳහා, කොළඹ පොලිස් මූලස්ථානයේ විශේෂ මෙහෙයුම් මැදිරියක් පිහිටුවා ඇති අතර, එය ත්රිවිධ හමුදා නිලධාරීන්ගෙන් සමන්විත කණ්ඩායමක සම්බන්ධීකරණයෙන් යුතුව ඒකාබද්ධ මෙහෙයුම් මධ්යස්ථානයක් ලෙස ක්රියාත්මක වේ.
මෙම විශේෂ මෙහෙයුම් මැදිරිය සමග පහත සඳහන් දුරකථන අංක සහ විද්යුත් තැපෑල ඔස්සේ සම්බන්ධ විය හැක.
දුරකථන අංක
011-2013051/011-2027148
011-2027149/011-2430912
විද්යුත් තැපැල් ලිපිනය
සියලුම ආරක්ෂක ආයතන අතර සමීප සහයෝගීතාව වර්ධනය කිරීම, තොරතුරු හුවමාරුව ශක්තිමත් කිරීම සහ ඕනෑම හදිසි හෝ ආරක්ෂක තත්ත්වයකදී ඉක්මන් ප්රතිචාර දැක්වීම සඳහා මෙම මධ්යස්ථානය හරහා පහසුකම් සපයනු ලැබේ.
මෙම නිවේදනය මගින් ආරක්ෂක අමාත්යාංශය මහජනතාවගෙන් ඉල්ලා සිටින්නේ සිංහල සහ හින්දු අලුත් අවුරුදු සමය තුළ සියලු ජනතාව වෙත සාමකාමී සහ සුරක්ෂිත පරිසරයක් සහතික කිරීම සඳහා ආරක්ෂක අංශ සහ නීතිය ක්රියාත්මක කරන ආයතන වෙත උපරිම සහයෝගය ලබා දෙන ලෙසය