ප්රධාන මාර්ගයේ දුම්රිය ප්රමාදයක් සිදුව ඇති බව ශ්රී ලංකා දුම්රිය දෙපාර්තමේන්තුව පවසයි. අඹේපුස්ස – අලව්ව අතර දුම්රිය ධාවනය සිදුවන්නේ තනි මාර්ගයේ බැවින් මෙම ප්රමාදය සිදුව බව එම දෙපාර්තමේන්තුව සඳහන් කරයි.
පසුගියදා ඇතිවූ අයහපත් කාලගුණ තත්ත්වය හේතුවෙන් අඹේපුස්ස – අලව්ව අතර බුජ්ජොමුව දුම්රිය ස්ථානය ආසන්නයේ දුම්රිය මාර්ගයේ පැවති බෝක්කුව, අසලින් ගලාබසින මාඔය දෙසට තල්ලු වී කැඩීයාම හේතුවෙන් දුම්රිය මාර්ගය යටින් අඩි 45ක පමණ කුහරයක් ඇතිවී තිබුණි.
ඒ අනුව දුම්රිය මාර්ගයේ පැවති බාධා ඉවත්කර ඊයේ දුම්රිය මාර්ගය යථාවත් කිරීමට දුම්රිය දෙපාර්තමේන්තුව පියවර ගෙන ඇත. මේ අතර අද සිට ප්රධාන මාර්ගයේ කාර්යාල දුම්රිය කිහිපයක් සාමාන්ය පරිදි ධාවනය කරවීමට සැලසුම් කර ඇති බව දුම්රිය දෙපාර්තමේන්තුව සදහන් කරයි.