කුඩා පාසල් සිසුන් ඇතුළු 30 කට ආසන්න සංඛ්‍යාවකට මරු කැඳවමින් බංග්ලාදේශයේ පාසලකට ගුවන් යානයක් කඩා වැටීමේ සිද්ධිය පසුගිය දිනවල ජාත්‍යන්තර සිදුවීම් අතර ප‍්‍රධානම සිදුවීමක් විය. මෙම බිහිසුණු අනතුර සිදු වූයේ පසුගිය 21 වැනි සඳුදා යි. මෙම සටහන ලියන අවස්ථාව වනවිට පළ වී තිබූ වාර්තාවලින් පැවසුණේ මිය ගිය සංඛ්‍යාව 31 ක් දක්වා ඉහළ ගොස් ඇති බව යි. මේ අතරින් වැඩි දෙනා කුඩා පාසල් දරුවන් ය. මරණ ගණන තවත් ඉහළ යාමට ඉඩ ඇති බවක් ද සඳහන් විය.
මේ අතර 170 කට ආසන්න ගණනක් මෙම අනතුරෙන් තුවාල ලබා තිබිණි. ඊට අදාලව පළ වී තිබූ අලුත්ම වාර්තාවලින් පැවසුණේ 10 දෙනෙකුගේ පමණ තත්වය බරපතල බවයි.
තවුකිර් ඉස්ලාම් යානය පදවාගෙන ගොස් තිබුණේ පුහුණු අභ්‍යාසයක නිරත වීම සඳහා යි. එය ඔහු තනිවම යානයක් පදවාගෙන ගිය පළමු දිනය බව ද සඳහන් වේ. නමුත් එය ඔහුට ඉතා අවාසනාවන්ත දවසක් වූයේය. යානය අහසට නංවා වැඩි වේලාවක් යාමට ප‍්‍රථම එහි කාර්මික දෝෂයක් ඇති විය. නියමුවා එම දෝෂය නිවැරදි කර ගැනීමට මහන්සි ගත්තත් යානය ඊට ප‍්‍රතිචාර දක්වා තිබුණේ නැත. සුළු වේලාවක් තුළ එය ඒ ආසන්නයේ පිහිටා තිබූ මයිල්ස්ටෝන් කොලේජ් නැමැති පාසලක දෙමහල් ගොඩනැගිල්ලක් මතට කඩා වැටුණේ බිහිසුණු ඛේදවාචකයකට මග පාදමිනි.
මෙහි දී අනතුරට පත් වූයේ බංග්ලාදේශයේ ගුවන් හමුදාවට අයත් ජෙට් යානයකි. එෆ්-7 වර්ගයේ යානයක් වන එය නියමුවන් පුහුණු කිරීම සඳහා යොදා ගන්නා එකක් බව පැවසිණි.
පියාසර ලූතිනන් තවුකිර් ඉස්ලාම් නැමැති හමුදා නියමුවකු විසින් පදවන ලද මෙම යානය බංග්ලාදේශයේ අගනුවර වන ඩකා ආසන්නයේ පිහිටි ගුවන් හමුදා කඳවුරකින් එදින අහසට නැංගේ දහවල් 1 ට පමණ ය.
තවුකිර් ඉස්ලාම් යානය පදවාගෙන ගොස් තිබුණේ පුහුණු අභ්‍යාසයක නිරත වීම සඳහා යි. එය ඔහු තනිවම යානයක් පදවාගෙන ගිය පළමු දිනය බව ද සඳහන් වේ. නමුත් එය ඔහුට ඉතා අවාසනාවන්ත දවසක් වූයේය. යානය අහසට නංවා වැඩි වේලාවක් යාමට ප‍්‍රථම එහි කාර්මික දෝෂයක් ඇති විය. නියමුවා එම දෝෂය නිවැරදි කර ගැනීමට මහන්සි ගත්තත් යානය ඊට ප‍්‍රතිචාර දක්වා තිබුණේ නැත. සුළු වේලාවක් තුළ එය ඒ ආසන්නයේ පිහිටා තිබූ මයිල්ස්ටෝන් කොලේජ් නැමැති පාසලක දෙමහල් ගොඩනැගිල්ලක් මතට කඩා වැටුණේ බිහිසුණු ඛේදවාචකයකට මග පාදමිනි.
මෙම පාසල සිසුන් 2,000 ක් පමණ අධ්‍යාපනය ලබන පෞද්ගලික පාසලක් බව සඳහන් වේ. යානය කඩා වැටුණු වේලාව පාසල පැවැත්වුණු වේලාවක් වූයෙන් සිසුහු විශාල සංඛ්‍යාවක් ඒ වනවිට පාසල තුළ සිටියහ. යානය කඩා වැටුණු ගොඩනැගිල්ලේ පන්ති කාමර තුළ සිසුන් සිය දෙනෙකු පමණ සිටි බව සඳහන් වේ. ඒ අතරින් වැඩි දෙනෙකු පහළ පන්තිවල කුඩා දරුවන් බව ද මාධ්‍ය වාර්තාවල සඳහන්ව තිබිණි.
තම යානය අනතුරට පත්වීමට යන බව දැනුණු අවස්ථාවේ නියමු තවුකිර් ඉස්ලාම් එය පාසල පිහිටි ඉසව්වෙන් ඉවතට පියාසර කරවීමට දැඩි උත්සාහයක් ගෙන තිබූ බැව් අනාවරණය වී තිබිණි. නමුත් ඔහුගේ එම උත්සාහය සාර්ථක වී තිබුණේ නැත.
යානයේ වූ පැරෂුටය ආධාරයෙන් යානයෙන් පිටතට පැන දිවි බේරා ගන්නා මෙන් පාලක මැදිරිය නියමුවාට දැනුම් දී තිබිණි. නමුත් යම් හේතුවක් නිසා තවුකිර් එම පියවර අනුගමනය කර තිබුණේ නැත. යානය අනතුරට පත් ව තිබුණේ ගුවන් ගත කර ඉතා කෙටි වේලාවක් තුළ බැවින් එය වැඩි උසකට ගමන් කර නොතිබුණු බව සඳහන් වේ. මේ නිසා පැරෂුටයකින් පැනීම අසීරු වන්නට ඇති බව ඇතැමුන් ගේ අදහස වී තිබේ. පැරෂුටයක් දිග හැරෙන්නට යම් කාලයක් ගතවන බව රහසක් නොවේ.
කාර්මික දෝෂයට ලක්ව පහතට ඇදී ආ ජෙට් යානය මුලින්ම පාසලේ සත්මහල් ගොඩනැගිල්ලක වහලයේ ගැටී තිබිණි. දෙමහල් ගොඩනැගිල්ල තුළට කඩා වැටී තිබුණේ එයින් පසුව යි. යානය මෙම ගොඩනැගිල්ලේ පහත මාලයේ එක් පැත්තකින් ඇතුල්ව අනෙක් පැත්තෙන් පිටතට ඇදී විත් තිබූ බව සඳහන් වේ.
මෙම ගුවන් අනතුර සැලකෙන්නේ දශක කිහිපයකින් මෙපිට බංග්ලාදේශයේ සිදු වූ බිහිසුණුම ගුවන් අනතුර ලෙසිනි.
මිය ගිය සහ රෝහල්ගත කළ බොහෝ දෙනෙකු දරුණු පිලිස්සුම් තුවාල ලබා සිටි බව සඳහන් ය. මේ වනවිට රෝහල්වල ප්‍රතිකාර ගනිමින් සිටින තුවාලකරුවන්ගෙන් බහුතරය අවුරුදු 9-14 අතර වයස්වල පසුවන දරුවන් බව ද රෝහල් ආරංචි මාර්ග සඳහන් කරයි.
යානය කඩා වැටී තිබුණේ දරුවන් පාසල අවසන්ව පිටතට පැමිණීමට සූදානම් වෙමින් සිටියදී යි. මේ නිසා පහළ පන්තිවල කුඩා දරුවන්ගේ මව්පියන් ද සිය දරුවන් රැගෙන යාමට පැමිණ ඒ වෙද්දී ගොඩනැගිල්ල අසළ රැස්ව සිට ඇත.
සිද්ධිය වන අවස්ථාවේ එහි සිටි ජ්‍යෙෂ්ඨ සිසුවකු සිද්ධිය ගැන මාධ්‍ය සමග විස්‍තර කර තිබිණි.
“ඒ වෙනකොට පන්ති ඇරිල ළමයි එළියට එමින් හිටියේ. පහළ පන්තිවල ළමයින්ගේ මව්පියන් ඒ වෙලාවෙ දරුවන් එක්කගෙන යන්න ඇවිත් ගොඩනැගිල්ල ළඟ රැස් වෙලා හිටියා. පහතින් ආපු ගුවන් යානය ඔවුන්වත් ඇදගෙනම තමයි ගොඩනැගිල්ල ඇතුළට කඩා ගෙන ගියේ” එම සිසුවා සඳහන් කර තිබේ.
යානය කඩා වැටීමත් සමග එය පුපුරා ගිනිගෙන තිබිණි.
අනතුරට අදාළව වාර්තාවන අලුත්ම පුවතකින් පැවසෙන්නේ මෙම සිද්ධිය පසුබිම් කරගෙන බංග්ලාදේශයේ ශිෂ්‍යයින් විරෝධතා දැක්වීමට පටන් ගෙන ඇති බව යි. ඇතැම් තැන්වල විරෝධතා තරමක් ප්‍රචණ්ඩ ස්වරූපයක් ගෙන ඇති බව ද වාර්තා විය.
සිසුන්ගේ විරෝධතා අනුව පෙනී යන්නේ මියගිය අය සහ තුවාල ලැබූවන් පිළිබඳව තවමත් නිලධාරීන් නිවැරදි ගණන් හිලව් ඉදිරිපත් කර නොමැති බවකි. මෙම සංඛ්‍යාවන් සහ ඔවුන්ගේ නම්ගම් ප්‍රකාශයට පත් කරන මෙන් සිසුන් උද්ඝෝෂණය කිරීමට පටන් ගෙන තිබේ.
මෙම අනතුරෙන් විපතට පත් වූවන් වෙනුවෙන් වන්දි ගෙවන ලෙස ද විරෝධතාකරුවෝ රජයට බල කර සිටිති.ඇතැම් නිලධාරීන් ඉල්ලා අස්විය යුතු යයි ද ඔවුන් පවසා තිබෙනු දැකිය හැකි විය.විරෝධතාකරුවන් විසුරුවා හැරීම සඳහා පොලිසිය කඳුළු ගෑස් ප්‍රහාර එල්ල කර තිබිණි. විරෝධතා අතරතුර සිසුන් 80 කට ආසන්න සංඛ්‍යාවක් තුවාල ලබා තිබූ බව මාධ්‍ය වාර්තාවල දැක්විණි.
එමෙන්ම ඔවුන් තවදුරටත් පවසා සිටින්නේ පරණ සහ අනතුරුදායක ගුවන් යානා භාවිතයෙන් ඉවත් කරන ලෙස යි. හමුදාවේ ගුවන් නියමුවන් පුහුණු කිරීමේ ක්‍රමවේද වෙනස් කරන ලෙස ද ඔවුහු බලධාරින්ගෙන් ඉල්ලා සිටිති.
ජනාකීර්ණ ප්‍රදේශවල ගුවන් නියමුවන් පුහුණු කිරීමේ කටයුතු නොකරන මෙන් ගුවන් හමුදාවට දැනුම් දෙන බව බලධාරීන් සඳහන් කර ඇත.
මෙම අනතුරෙන් විපතට පත් වූවන් වෙනුවෙන් වන්දි ගෙවන ලෙස ද විරෝධතාකරුවෝ රජයට බල කර සිටිති.
ඇතැම් නිලධාරීන් ඉල්ලා අස්විය යුතු යයි ද ඔවුන් පවසා තිබෙනු දැකිය හැකි විය.
විරෝධතාකරුවන් විසුරුවා හැරීම සඳහා පොලිසිය කඳුළු ගෑස් ප්‍රහාර එල්ල කර තිබිණි. විරෝධතා අතරතුර සිසුන් 80 කට ආසන්න සංඛ්‍යාවක් තුවාල ලබා තිබූ බව මාධ්‍ය වාර්තාවල දැක්විණි.
නිහාල් පීරිස්