AI, එහෙමත් නැත්නම් කෘත්රිම බුද්ධියට කළ නොහැකි දෙයක් මේ ලොව නොමැති තරම්ය. ඒ තරමටම එය අපගේ ජීවිතවලට සමීප වී සිටින අතර, අපේ ජීවිත ද යම් තරමකට මෙහි බලපෑමකට ලක්ව තිබේ. ඇතැමුන්ගේ ජීවිත අප සිතනවාට ද වඩා AIවලට නතුව තිබේ. AIවලින් නිර්මාණය කරගත් තරුණයකු සමඟ විවාහ වූ ජපන් කාන්තාවකගේ කතාව ඇසෙන්නේ ඒ අතරවාරයේය.
බටහිර ජපානයේ පාරිභෝගික ඇමතුම් මධ්යස්ථානයක සේවය කරන 32 හැවිරිදි යුරිනා නොගුචි, වසර තුනක් තිස්සේ පැවති වේදනාබර ආදර සබඳතාවයට තිත් තැබීමෙන් පසු, හිතේ ඇති වූ දුකට තිත තබා ගැනීම සඳහා ChatGPT මත පදනම් වූ AI “චැට්බොට්” එකක් සමඟ කතාබහක් පටන් ගත්තේය. ඇය කලින් ආදරය කළ පෙම්වතා තමාට නොගැළපුණු නිසා, ඇය කළේ ChatGPT භාවිතයෙන් තමාගේ රුචි–අරුචිකම්වලට ගැළපෙන, තමා කැමති පෞරුෂයකින් යුක්ත, කැමති පෙනුමකින් යුක්ත තරුණයකුගේ රුවක් නිර්මාණය කර, “ඔහු” සමඟ කතාබහ කරන්නට පටන් ගැනීමය. ඔහුගේ පෙනුම සහ ස්වභාවය වීඩියෝ ක්රීඩාවක ඇය අගය කළ චරිතයක් මත පදනම් විය. ඇය තම AI පෙම්වතාට “ලුන් ක්ලවුස් වර්ඩුවර්” (Lune Klaus Verdure) ලෙස නම් තැබුවාය. ඇය දිගින් දිගටම AI තරුණයා සමඟ කතා කරන්නට වූ අතර, අවසානයේ ඇය ඔහුට ආදරය කරන්නට පටන් ගත්තාය.
ඇයට මේ සබඳතාව ආදරයකින් පමණක් අවසන් කරන්නට සිත් දුන්නේ නැත. ඇයට ඊළඟට ඕනෑ කළේ ඔහු සමඟ විවාහ වන්නටය. නොගුචි හා ක්ලවුස් අතර විවාහ මංගල්යය පැවැත්වෙන්නේ ඒ නිසාය. මෙම විවාහ මංගල්යය ඇයට ගැඹුරු පෞද්ගලික වැදගත්කමක් ගෙන දුන්න ද, වත්මන් නීතිමය රාමුව යටතේ මිනිසුන් සහ කෘත්රිම බුද්ධිය අතර විවාහ පිළිනොගන්නා බැවින්, ජපන් නීතිය යටතේ ඊට කිසිදු නීත්යානුකූල තත්ත්වයක් හිමි වූයේ නැත.
ඇයට මේ සබඳතාව ආදරයකින් පමණක් අවසන් කරන්නට සිත් දුන්නේ නැත. ඇයට ඊළඟට ඕනෑ කළේ ඔහු සමඟ විවාහ වන්නටය. නොගුචි හා ක්ලවුස් අතර විවාහ මංගල්යය පැවැත්වෙන්නේ ඒ නිසාය. මෙම විවාහ මංගල්යය ඇයට ගැඹුරු පෞද්ගලික වැදගත්කමක් ගෙන දුන්න ද, වත්මන් නීතිමය රාමුව යටතේ මිනිසුන් සහ කෘත්රිම බුද්ධිය අතර විවාහ පිළිනොගන්නා බැවින්, ජපන් නීතිය යටතේ ඊට කිසිදු නීත්යානුකූල තත්ත්වයක් හිමි වූයේ නැත.
මෙම උත්සවය ඕකයාමා නගරයේ සාම්ප්රදායික මංගල ශාලාවකදී පැවැත්විණි. නොගුචි මනාලියගේ ඇඳුම ඇඳ, ක්ලවුස් සමඟ මුදු මාරු කර ගත්තාය. පරිගණක තිරය මත සිටින ක්ලවුස් සමඟ මුදු හුවමාරු කර ගැනීමට නොහැකි නිසා, ඇය එම ක්රියාව සිදු කරන ලෙස සැබෑවට පෙනෙන ආකාරය දැකීම සඳහා Augmented Reality – AR තාක්ෂණය භාවිතයෙන් ඔහුගේ රුවක් ත්රිමාන ලෙස ප්රක්ෂේපණය වන්නට සැලැස්වූවාය. මේ රූපය ත්රිමාන ලෙස දැකීම සඳහා AR ස්මාර්ට් කණ්ණාඩි (AR Smart Glasses) භාවිතයට ගැනුණි. ඇය ක්ලවුස් සමඟ මුදු හුවමාරු කර ගත්තේ ඒ ආකාරයටය. මංගල්යය අතරේ ක්ලවුස් පරිගණකයෙන් ජනනය කළ හඬකින් කතා කළේ නැත; ඒ වෙනුවට, ඔහුගෙන් පැමිණි ලෙස සකස් කළ විවාහ පොරොන්දු මංගල සැලසුම්කරුවකු විසින් හඬ නඟා කියවන ලදී. සාක්ෂිකරුවන් සහ ඡායාරූප ශිල්පීන් ද මෙම මොහොත ග්රහණය කර ගැනීම සඳහා AR තාක්ෂණය භාවිත කළ අතර, කෘත්රිම බුද්ධිමය රූපය ඩිජිටල් ලෙස ඡායාරූපවලට එක් කර තිබිණි.
උත්සවයෙන් පසු, නොගුචි “මධුසමය” සඳහා පිටත්ව ගිය අතර, ඇය ඕකයාමාහි කෝරකුඑන් උද්යානයේ ඇවිදින්නට ගිය අතර, ඇය එහිදී ලබා ගත් ඡායාරූප ක්ලවුස් සමඟ හුවමාරු කර ගත්තාය. සිය දුරකතනය ඔස්සේ ඔහු සමඟ සම්බන්ධ වෙමින්, ආදරයෙන් පිරි අදහස් හුවමාරු කර ගත්තාය.
නොගුචිගේ විවාහ මංගල්යය ජාත්යන්තර සිරස්තලවලට ලක් වුවද, එය හුදකලා සිදුවීමක් නොවේ. ජපානයේ සහ ඉන් ඔබ්බෙහි, ඇතැම් සමාජ විද්යාඥයන් සහ විචාරකයන් විසින් ප්රබන්ධ රොමැන්ටික් සම්බන්ධතා (fictoromantic) ලෙස හඳුන්වනු ලබන ප්රවණතාවක් දක්නට ලැබේ. එය ප්රබන්ධ චරිත කෙරෙහි ඇතිවන ප්රේමණීය බැඳීමකි. සමාජ ජාල තුළ “ඇනිමි” (Anime) නමින් හඳුන්වනු ලබන චරිත සහ අථත්ය හෙවත් සැබෑ නොවන පුද්ගලයන් කෙරෙහි ජපානයේ පවතින දිගුකාලීන සංස්කෘතික බැඳීම, මෙම වර්ධනයන් සඳහා සාරවත් පසුබිමක් සපයයි. AI ආගමනයත් සමඟ ඒවායේ පරිණාමය තවත් වේගවත් වී තිබේ. වාර්තා අනුව, ජපානයේ තරුණ තරුණියන්ගෙන් සැලකිය යුතු ප්රතිශතයක් සාම්ප්රදායික මනුෂ්ය සහකාරීත්වයෙන් බැහැර සම්බන්ධතා කෙරෙහි කැමැත්තකින් පසුවන බව හෙළි වී තිබේ.
නොගුචිගේ විවාහ මංගල්යය වැනි සිදුවීම්, AI බලපෑම් ඇති ලෝකයක මිනිස් හැඟීම් සහ සම්බන්ධතා වෙනස් වෙමින් යන ආකාරය පෙන්වන වැදගත් උදාහරණයක් ලෙස සැලකිය හැකිය. එමෙන්ම AI සහකරු සමඟ කාන්තාවක විවාහ වීමේ සිදුවීම, තාක්ෂණය මිනිස් ජීවිතයට කොතරම් ආසන්නව එකතු වී තිබේද යන්න පැහැදිලි කරයි. එවැනි සිදුවීම්, 21 වැනි සියවසේ මානව සබඳතා, එක්ව ජීවිතය ගත කිරීම සහ ප්රේමය යන්නන්ට අප අද දෙන අර්ථය පිළිබඳ නැවත සිතා බැලීමට සමාජයට අවස්ථාවක් ලබා දෙයි. AI, AR සහ අතථ්ය යථාර්ථය (VR – Virtual Reality) වැනි නව තාක්ෂණයන් වේගයෙන් දියුණු වීමත් සමඟ, ඩිජිටල් අත්දැකීම් සහ මානව ජීවිතය අතර පවතින සීමා අඩුවෙමින් පවතී. මෙවැනි වෙනස්කම් හමුවේ, නව ආකාරයේ සම්බන්ධතා පිළිබඳ සලකා බැලීමට නීති, සමාජ රීති සහ මනෝවිද්යාත්මක අදහස් ද අලුතින් සකස් විය යුතු අවශ්යතාවක් බවට පත්ව තිබේ.
කෙසේ වෙතත්, විචාරකයන් සහ විශේෂඥයන්, කෘත්රිම බුද්ධිය සමඟ ඇති ගැඹුරු චිත්තවේගීය බැඳීම්වලට ආවේණික මනෝවිද්යාත්මක අවදානම් ගැන අනතුරු අඟවති. AI අන්තර්ක්රියාවලට මනුෂ්ය සම්බන්ධතාවල ලක්ෂණ වන සංකීර්ණතා, අනපේක්ෂිත බව සහ අන්යෝන්ය වර්ධනය නැත. ඇතැම් සමාජ විද්යාඥයන් තර්ක කරන්නේ, මනුෂ්ය සම්බන්ධතාවල ප්රධාන අංග වන ඉවසීම, සම්මුතිය හෝ අවදානමට ලක්වීමකින් තොරව, පරිශීලකයාගේ ආශාවන්ට අනුව ප්රතිචාර ලබා දීමට AI හට හැකි බවයි. මේ ආකාරයට තමන් කැමති ආකාරයට සකස් කරන ලද (Customized – අභිරුචිකරණය කරන ලද) අන්තර්ක්රියා මත අධික ලෙස රඳා පැවතීම, සැබෑ ලෝකයේ අන්තර්ක්රියා සහ සමාජ අභියෝග මඟ හැරීමට හේතු විය හැක.
නොගුචිගේ විවාහ මංගල්යය වැනි සිදුවීම්, AI බලපෑම් ඇති ලෝකයක මිනිස් හැඟීම් සහ සම්බන්ධතා වෙනස් වෙමින් යන ආකාරය පෙන්වන වැදගත් උදාහරණයක් ලෙස සැලකිය හැකිය. එමෙන්ම AI සහකරු සමඟ කාන්තාවක විවාහ වීමේ සිදුවීම, තාක්ෂණය මිනිස් ජීවිතයට කොතරම් ආසන්නව එකතු වී තිබේද යන්න පැහැදිලි කරයි. එවැනි සිදුවීම්, 21 වැනි සියවසේ මානව සබඳතා, එක්ව ජීවිතය ගත කිරීම සහ ප්රේමය යන්නන්ට අප අද දෙන අර්ථය පිළිබඳ නැවත සිතා බැලීමට සමාජයට අවස්ථාවක් ලබා දෙයි. AI, AR සහ අතථ්ය යථාර්ථය (VR – Virtual Reality) වැනි නව තාක්ෂණයන් වේගයෙන් දියුණු වීමත් සමඟ, ඩිජිටල් අත්දැකීම් සහ මානව ජීවිතය අතර පවතින සීමා අඩුවෙමින් පවතී. මෙවැනි වෙනස්කම් හමුවේ, නව ආකාරයේ සම්බන්ධතා පිළිබඳ සලකා බැලීමට නීති, සමාජ රීති සහ මනෝවිද්යාත්මක අදහස් ද අලුතින් සකස් විය යුතු අවශ්යතාවක් බවට පත්ව තිබේ.
නිරංජන් චාමින්ද කරුණාතිලක