මාර්ගගත (Online) ක්‍රමයට හෙට (01) සිට ඉඩම් සිතියම් ලබා ගැනීමේ අවස්ථාව සලසා ඇතැයි මැනුම්පති වයි.ජී. ඥානතිලක පැවසීය. මිනින්දෝරු දෙපාර්තමේන්තුවේ 225 වැනි සැමරුම පිළිබඳව මාධ්‍ය දැනුවත් කිරීමට රජයේ ප්‍රවෘත්ති දෙපාර්තමේන්තුවේ පැවැති මාධ්‍ය හමුවේදී ඔහු මේ බව කියා සිටියි.
එම දෙපාර්තමේන්තුවේ 225 වැනි සංවත්සරය හෙට (01)ට යෙදී ඇති අතර, එදිනට සමරු මුද්දරයක් නිකුත් කිරීමටද මිනින්දෝරු දෙපාර්තමේන්තුව සැලසුම් කර තිබේ.
මෙතෙක් කාලයක් මහජනතාවට සිතියම් ලබාදීමේ කටයුතු කරනු ලැබුවේ දෙපාර්තමේන්තුවේ කාර්යාල වලින් බවද මාර්ගගත ක්‍රමයට අදාළ ගෙවීම් සිදුකර සිතියම් ලබා ගැනීමට ජනතාවට අවකාශය සැලසෙන බවද හෙතෙම සදහන් කරයි.