සිම්බාබ්වේ කණ්ඩායම සමග පැවැති එක්දින ක්‍රිකට් තරගාවලිය ජය 2ට 0ක් ලෙස ජය ගැනීමට සංචාරක ශ්‍රී ලංකා කණ්ඩායම ඊයේ සමත් විය.
පැතුම් නිශ්ශංක වාර්තා කළ විශිෂ්ට ශතකය සහ නායක චරිත් අසලංකගේ අර්ධ ශතකය හේතුවෙන් සිම්බාබ්වේ කණ්ඩායමට එරෙහිව ඊයේ (31) හරාරේ ක්‍රීඩාංගණයේ පැවති දෙවැනි සහ අවසන් එක්දින ක්‍රිකට් තරගය කඩුලු 5කින් ජය ගැනීමට සංචාරක ශ්‍රී ලංකා කණ්ඩායම සමත් විය.
මේ සමඟ තරග දෙකකින් සමන්විත තරගාවලියේ ජයත් ශ්‍රී ලංකාව සතු වූයේ 2-0ක් ලෙසිනි.තරගයේ පළමුව පන්දුවට පහර දෙමින් සිම්බාබ්වේ පිල දුන් ලකුණු 278ක ඉලක්කය හඹා ගිය ශ්‍රී ලංකා පිල පන්දු 3ක් ඉතිරිව තිබියදී ජය තහවුරු කර ගත්තේ කඩුලු 5ක් පමණක් අහිමිකර ගනිමිනි.
ඉනිමට සාර්ථක ආරම්භයක් දුන් පැතුම් නිශ්ශංක සිය 7 වැනි එක්දින ශතකය රැස් කරමින් ශ්‍රී ලංකාව ජයග්‍රාහී මාවතට රැගෙන ගියේය.