දුම්රිය මගීන්ට හිරිහැර වන පරිදි කිසිඳු ආකාරයක වෙළෙදාමක් දුම්රිය තුළ කිරීම තහනම් බව කොටුව මහෙස්ත්‍රාත් ඉසුරු නෙත්තිකුමාර විවෘත අධිකරණයේදී ප්‍රකාශ කරයි.
දුම්රියක් තුළ වෙළෙඳාම් කිරීමට නම් දුම්රිය සාමාන්‍යාධිකාරිවරයාගේ අවසර ගත යුතු බවද මහෙස්ත්‍රාත්වරයා අවධාරණය කරයි.
දුම්රිය මගීන්ට හිරිහැර වන අයුරින් වෙළෙඳාමෙහි නිරත වීමේ චෝදනා මත සැකකරුවන් 11 දෙනකුට එරෙහිව ශ්‍රී ලංකා දුම්රිය දෙපාර්තමේන්තුව විසින් පවරා තිබූ නඩු 11ක් කැඳවූ අවස්ථාවේදී මහෙස්ත්‍රාත්වරයා ප්‍රකාශ කරයි.
එලෙස චෝදනා ලැබ සිටි සැකකරුවන් 07 දෙනකුට රුපියල් 2000 බැගින් රුපියල් 14,000 ක දඩ මුදල් නියම කළ මහෙස්ත්‍රාත්වරයා අධිකරණය හමුවේ පෙනී නොසිටි සැකකරුවන් 04 දෙනකුට වරෙන්තු නිකුත් කරනලදි.