හෙළ නිළි රැජින ලෙස විරුදාවලී ලත් මාලනී ෆොන්සේකා තම පෞද්ගලික ජීවිතය තුළ ස්ථාපිත කරගෙන සිටි උතුම් මානුෂීය ගුණාංග බොහොමයකි.ඒ අතුරින් අසරණ සතුන් කෙරෙහි වූ දයානුකම්පාව ද මුල් තැනක් ගනී.එම කරුණ සම්බන්ධයෙන් ශ්‍රී ලංකාවේ මුල් පෙළේ සත්ව ආර්ක්ෂක සහ සත්ව හිමිකම් ක්‍රියාකාරිනියක සහ ව්‍යවසායිකාවක වන ඔටාරා ගුණවර්ධන තම ෆේස් බුක් පිටුවේ මෙම අදහස පළ කොට තිබේ.
එය මාලනිය වෙත අසරණ සත්ව ප්‍රජාව නියෝජන කෙරෙමින් හිමි වන උත්තමාචාරයක් සේ සළකා අපි ඔටාරා ගේ එම සටහනේ සිංහලානුවාදයක් මෙසේ ඉදිරිපත් කරමු.
“කීර්තිමත් නිළියක වන මාලනී ෆොන්සේකාගේ වියෝව ගැන සංවේගය පළ කරමි..සිනමා තිරයෙන් ඔබ්බට ඇය තුළ පැවැති ආදරයේ සහ දයානුකම්පාවේ පැත්තක් දැකීමේ මහා වාසනාව මට හිමි විය, එය බොහෝ දෙනෙක් නොදන්නා දෙයකි.ඇය විශිෂ්ට සත්ව ලෝලිනියක වූ අතර ඇයට හැකි සෑම ආකාරයකින්ම ඇයට උදව් කළා ය. ඇය අසරණ සුනඛ පැටවුන් බේරාගෙන ඇති අතර දිනක් අප ඇයට උදව් කිරීමට ඇගේ නිවසට ගිය විට ද ඇය වීදියේදී හමු වූ බලු පැටවුන් රැකබලා ගනිමින් සිටියා ය.වරක් ඇය එම්බාර්ක් හි සුනඛ පැටවුන් හදා ගැනීමේ දිනයක් නැරඹීමට ද පැමිණි අතර, ප්‍රජා සුනඛයින්ට සහ සියලු සතුන්ට කරුණාවන්ත වීම පිළිබඳ වැදගත් පණිවිඩය ප්‍රවර්ධනය කිරීමට ඇය තම ඡායාරූප භාවිතා කිරීමට ද මට අවසර දුන්නා ය.මාලිනී සිය ජීවිත කාලය තුළ මිනිසුන්ගේ ජීවිත සහ සතුන්ගේ ජීවිත නඟා සිටුවීමට බොහෝ දේ කර ඇත. ඇය ඇගේ ක්ෂේත්‍රයේ කීර්තිමත් සංසිද්ධියක් වූ අතර රිදී තිරයේ ජනානන්දනීය නිළියක් ලෙස ඇගේ කරුණාව ඇගේ සිනමා ජීවිතයෙන් ඔබ්බට ගොස් තිබේ.ඇයගේ ගමනට ඇයට ආශිර්වාද ලැබේවා, ඇයට නිවන් සුව ලැබේවා!”
