දිල්ෂාන් මදුසංඛගේ විශිෂ්ට පන්දු යැවීම හේතුවෙන් සිම්බාබ්වේ කණ්ඩායමට එරෙහි පළමු එක්දින ක්‍රිකට් තරගයේ දී ලකුණු 07ක තියුණු ජයක් ලැබීමට සංචාරක ශ්‍රී ලංකා ක්‍රිකට් කණ්ඩායම ඊයේ (29) සමත් විය.
හරාරේ ක්‍රිකට් ක්‍රීඩාංගනයේදී පැවති මෙම තරගයේ දී හිමි වූ ලකුණු 299ක ඉලක්කයට පිළිතුරු ලෙස සිම්බාබ්වේ කණ්ඩායමට පන්දුවාර 50 අවසානයේ කඩුලු 8ක් දැවී ලබා ගත හැකි වූයේ ලකුණු 291ක් පමණී.
කෙසේ නමුත් මෙම තරගය අවසන් පන්දුවාරය දක්වාම තරගයේ ජය පැරදුම කණ්ඩායම් දෙකටම දෝලනය වී තිබුණි.