ආනයනික කිරිපිටි මිල ඉහළ දැමීමට තීරණය කිරීම හේතුවෙන් කිරි තේ කෝප්පයක මිලද රුපියල් දහයකින් ඉහළ දැමීමට සමස්ත ලංකා ආපනශාලා හිමියන්ගේ සංගමය තීරණය කර ඇත.
ලෝක වෙළෙඳපොළේ කිරිපිටි මිල සියයට අටකින් (8%) පමණ ඉහළයාම හේතුවෙන් කිරිපිටි ආනයනකරුවන්ගේ සංසදය විසින් මෙලෙස ආනයනික කිරිපිටි මිල ඉහළ දැමීමට තීරණය කර තිබේ.
ඒ අනුව ආනයනික කිරිපිටි කිලෝග්‍රෑම් එකක පැකැට්ටුවක මිල රුපියල් දෙසිය පනහකින් සහ ග්‍රෑම් හාරසියයක පැකැට්ටුවක මිල රුපියල් සියයකින් ඉහළ යනු ඇති බව කිරිපිටි ආනයනකරුවන්ගේ සංසදය සඳහන් කළේය. මෙම මාසයේ සිට වෙළෙඳපොළට නිකුත් කරන නව තොග එම මිල සංශෝධනයන්ට යටත්ව නිකුත් කිරීමට නියමිතයි.