මධ්‍යම සංස්කෘතික අරමුදලේ කටයුතු සම්බන්ධයෙන් පරීක්ෂා කිරීමට විශ්‍රාමික මහාධිකරණ විනිසුරු ජී.එම්.ඩබ්ලිව්. ප්‍රදීප් ජයතිලක මහතාගේ සභාපතිත්වයෙන් යුත් ත්‍රිපුද්ගල කමිටුවක් පත් කිරීමට ඇමැති මණ්ඩලයේ අනුමැතිය හිමිව තිබේ.
2017 වර්ෂයේ සිට 2020 වර්ෂය දක්වා වූ කාලසීමාවේදී ආගමික ස්ථාන සහ විවිධ කටයුතු සඳහා මධ්‍යම සංස්කෘතික අරමුදල මඟින් මූල්‍ය සහාය දීමේදී විවිධ අක්‍රමිකතා සිදුව ඇති බව වාර්තා වී තිබේ.
එලෙස සිදුව ඇතැයි කියන අක්‍රමිකතා සම්බන්ධයෙන් පරීක්ෂා කිරීමට කමිටුවක් පත් කිරීමට 2025‑05‑17 වැනි දින පැවති මධ්‍යම සංස්කෘතික අරමුදලේ 223 වන පාලක මණ්ඩල රැස්වීමේදී තීරණය කර ඇත.
ඒ අනුව, අදාළ කාර්යය සඳහා ත්‍රිපුද්ගල කමිටුවක් පත් කිරීමට අගමැතිනි, ආචාර්ය හරිනි අමරසූරිය මෙණෙවිය ඉදිරිපත් කළ යෝජනාව සඳහා ඇමැති මණ්ඩලයේ අනුමැතිය හිමිව තිබේ.