2026 වර්ෂය සඳහා වන විසර්ජන පනත් කෙටුම්පත කාරක සභා අවස්ථා විවාදයේ සිව්වන දිනය වන ඊයේ (19 ) විවාදයට ගැණුනු රාජ්‍ය පරිපාලන ,පළාත් සභා සහ පළාත් පාලන අමාත්‍යාංශයේ වැය ශීර්ෂය 130 වැඩි ඡන්ද 94 කින් සම්මත වී තිබේ.
කාරක සභා අවස්ථා විවාදයෙන් අනතුරුව ඊයේ ප.ව 6.10 ට පමණ ඉලංකෙයි තමිල් අරසු කච්චි පක්ෂයේ පාර්ලිමේන්තු මන්ත්‍රී ෂානක්කියන් රාජපුත්තිරන්
රාසමාණික්කම් මහතා රාජ්‍ය පරිපාලන, පළාත් සභා සහ පළාත් පාලන අමාත්‍යාංශයේ වැය ශීර්ෂය (130) සඳහා ඡන්ද විමසීමක් ඉල්ලා සිටි අතර ඒ අනුව
පැවති ඡන්ද විමසීමේදී ඊට පක්ෂව ඡන්ද 103 ක්ද විපක්ෂව ඡන්ද 09 ක්ද හිමි විය.
එමෙන්ම රාජ්‍ය පරිපාලන, පළාත් සභා සහ පළාත් පාලන අමාත්‍යාංශයේ අනෙකුත් වැය ශීර්ෂ ජන්ද විමසීමකින් තොරව සම්මත වුණ බවයි සඳහන් වෙයි.