ලබන අගෝස්තු 16 වන දින සිට කොළඹ කොටුව සහ බදුල්ල අතර ක්‍රියාත්මක වන “ඇල්ල සති අන්ත එක්ස්ප්‍රස්” නමින් නව සුඛෝපභෝගී දුම්රිය සේවාවක් දියත් කරන බව දුම්රිය දෙපාර්තමේන්තුව නිවේදනය කරයි.දෙස් විදෙස් සංචාරක ආකර්ශනයට ලක් වූ ශ්‍රී ලංකාවේ මධ්‍යම කඳුකරයේ මනස්කාන්ත සංචාරක අත්දැකීම විඳීමට පැමිණෙන දෙස් විදෙස් සංචාරකයින්ගේ ඉල්ලීම මත මෙම නව දුම්රිය සේවය හඳුන්වා දී ඇත.ආසන 350 කින් සමන්විත මෙම දුම්රිය සෑම සෙනසුරාදා දිනකම පෙ.ව. 5:30 ට කොළඹ කොටුවෙන් පිටත් වී පස්වරුව වන විට බදුල්ලට ළඟා වීමට නියමිතය.පසු දින ඉරිදා රාත්‍රී 9.00 ට නැවත එම දුම්රිය බදුල්ලේ සිට කොළඹ බලා ධාවනය වීමට නියමිතය.මෙමගින් සති අන්තයේ උඩරට සංචාරය කරන්නනන්ට මහත් පහසුවක් වනු ඇතැයි අපේක්ෂා කෙරේ