මිනිස් මනැසකට බලපෑම් කළ හැකි දේ අතුරින් කුරුළු හඬට හිමි වන්නේ විශේෂ තැනක්. ඒ තම සිතින් නැඟෙන භාව ප්‍රකාශනයන් විවිධ කුරුළු හඬ මඟින් සංකේත්නය වන බවට බොහෝ දෙනකු විශ්වාස කරන නිසයි.ඒ අතුරින් සංවේදී මනැස් ඇත්තවුන් ඒ කුරුළු හඬ වලට විවිධ අර්ථ් නිරූපන දීමට ද සමත් වෙනවා.මේ එවන් උත්සාහයක්.
“ලොවින් එකෙක් එක් දෙයකට වෙයි සමත” කියලා ප්‍රකට කියුමක් තියනවා.ඒත්, අද අපි ඔබට Wall එකෙන් හඳුන්වා දෙන කිවිඳිය;මංජුලා මල්කාන්ති ගැන සඳහන් කරන කොට ඒ කියුම එතරම් සත්‍යයක් සේ දකින්න බෑ.ඒ කලා ක්ෂේත්‍රයේ අංශ කිහිපයකින්ම තම ප්‍රතිභාවන් දැක්වීමට ඇය සමත් වී හිඳීමයි.ගුවන් විදුලි හා රූපවාහිනී නාට්‍ය ශිල්පිනියක්,ගායන ශිල්පිනියක්,නිවේදිකාවක්,ගුවන් විදුලි නාට්‍ය පිටපත් සම්පාදක වරියක් හා නිෂ්පාදක වරියක්,සේම ප්‍රවීණ පුවත් පත් කලාවේදිනියක් ද වන මංජුලා “මැහුම් තක්සලාව”කාන්තා පුවත් පතේ ප්‍රධාන කතු වරිය ද වනවා.දැන් අපි ඇගේ කවි සිතට දැනුණු කුරුළු හැඬීම කෙබඳුදැයි විමසා බලමු.
නාඬන් කුරුල්ලෝ
සිත මාගේ හඬනා තරම්
දැනිලා ද දුක ඔය තරම්
පෙනෙනා ඉසව්වේ
දුක්ගිනි ගයන්නේ
කඳුළක් පුරා ඔය නෙතින් …..
නාඬන් කුරුල්ලෝ
ඔබෙ ලෝකයේ මෙන්
පියාපත් සලා යන්න
මට නෑ වරම්
හද ආදරේ තනි වී නිසා
සුසුමන් නැගෙයි මා ලයේ
පැතුමන් සිතේ බොඳවී නිසා
කඳුළැල් පිරෙයි මා නෙතේ
සැනසෙන්නෙ කෙලෙසින්ද මගෙ ලෝකේ පාළුයි
නාඩන් කුරුල්ලෝ දුකින්
සැනසුම් සිතින් ළ්ංවී ඉතින්
අපි උන්නා හරි ආදරෙන්
පැතු ඒ පැතුම් සුසුමින් දවා
සමුගත්තේ අමනාපයෙන්
හිනැහෙන්නෙ කෙලෙසින්ද
මගෙ ලෝකේ පාළුයි
නාඬන් කුරුල්ලෝ දුකින් …..
මංජුලා මල්කාන්ති