සැප්තැම්බර් 6 වැනිදා පැවැත්වෙන එක්සත් ජාතික පක්ෂයේ වාර්ෂික සමුළුවට සහභාගී වීමට විපක්ෂ නායක සජිත් ප්‍රේමදාස මහතා ඇතුළු විපක්ෂයේ පක්ෂ නායකයන්ට ආරාධනා කර ඇති බවත්, එහිදී ඔවුන් සමඟ රටේ වත්මන් දේශපාලන තත්ත්වය සාකච්ඡා කිරීමට නියමිත බවත් හිටපු ජනාධිපති සහ එක්සත් ජාතික පක්ෂ නායක රනිල් වික්‍රමසිංහ මහතා ඊයේ (30) ප්‍රකාශ කොට තිබේ.රෝහල්ගතව සිට නිවසට පැමිණි ඔහු සන්ඩේ ටයිම්ස් පුවත්පතට පවසා තිබුණේ, ‘විපක්ෂ එකමුතුවේ’ පළමු පියවරක් ලෙස පක්ෂයෙන් ඉවත් වූ විපක්ෂ නායක සජිත් ප්‍රේමදාස මහතාගේ නායකත්වයෙන් යුත් සමගි ජන බලවේගයේ සියලුම පක්ෂ සාමාජිකයන්ට එරෙහිව පනවා තිබූ අත්හිටුවීමේ නියෝගය ඉවත් කරන බවයි.හිටපු ජනාධිපතිවරයා නේවාසිකව සිටි කාලය තුළ සමගි ජන බලවේගයේ සාමාජිකයන් කිහිප දෙනෙකු සමඟ සජිත් ප්‍රේමදාස මහතා බන්ධනාගාර රෝහලේදී මෙන්ම ජාතික රෝහලේදී වික්‍රමසිංහ මහතා බැලීමට ගොස් තිබිණ..එක්සත් ජාතික පක්ෂ සමුළුවට සහභාගී වීම සඳහා පක්ෂයට ආරාධනාවක් ලැබුණු බවත්, අනෙකුත් පක්ෂ සාමාජිකයන් සමඟ සජිත් ප්‍රේමදාස මහතා ද ඊට සහභාගී වීමට බොහෝ දුරට ඉඩ ඇති බවත් සමගි ජන බලවේගයේ මහලේකම් රංජිත් මද්දුම බණ්ඩාර පැවසීය.