වී මිල දී ගැනීම සඳහා හොඳම විද්‍යාත්මක වැඩපිළිවෙළක් වත්මන් ආණ්ඩුව සකසා ඇතැයි නිවාස නියෝජ්‍ය අමාත්‍ය ටී.බී. සරත් මහතා පවසයි.ගොවියාගේ වී නිෂ්පාදන වියදම සහ ඔහුගේ සමාජමය වියදම දෙකක් බවත් ඒ දෙකම පදනම් කරගෙන වී සඳහා මිල නියම කළ නොහැකි බවත්.තමන් හැමදාම සටන් කළේ වී නිෂ්පාදන වියදමට සාධාරණ මිලක් ගැනීමට බව ද නියෝජ්‍ය අමාත්‍ය වරයා ප්‍රකාශ කරයි.වියළි වී කිලෝව රු. 120 බැගින් මිලට ගන්නා බවත් ඇතැමුන් ප්‍රකාශ කළ ද එවිට පාරිභෝගිකයනට සහල් ලබා දෙන්නේ කුමන මිලකට දැයි ඔහු අසා සිටියේ ය.කවුඩුල්ල ගොවි ජනපද වී ගබඩාවේ නිරීක්ෂණ චාරිකාවකට එකතු වෙමින් නියෝජ්‍ය අමාත්‍ය ටී.බී. සරත් මහතා මේ බව කීය.