පසුගිය දිනවල ඇති වූ ස්වාභාවික ආපදා වලින් හානියට පත් මහවැලි ගඟ හරහා වැටී ගත් පේරාදෙණිය දුම්රිය පාලම (යකා පාලම) වෙනුවට නව පාලමක් ඉදිකරන බව දුම්රිය සාමාන්යාධිකාරී රවීන්ද්ර පද්මප්රිය මහතා රජයේ ප්රවෘත්ති දෙපාර්තමේන්තුවේදී ඊයේ( 06) පැවසීය.මහවැලි ගඟ හරහා මීටර් 300කට වඩා දිගු දුරක්විහිදුණු වසර 158ක් පැරණි දුම්රිය පාලමට දිට්වා සුළි කුණාටුව හේතුවෙන් විශාල හානියක් සිදු ව තිබේ.
“පාලම යට සුන්බුන් පිරිසිදු කිරීමෙන් පසු අපි පේරාදෙණිය විශ්වවිද්යාලය සහ මධ්යම ඉංජිනේරු උපදේශන කාර්යාංශය සමඟ සහයෝගයෙන් පාලමේ තත්ත්වය වඩාත් විද්යාත්මකව තක්සේරු කරනවා. පිරිසිදු කිරීම අවසන් වන තුරු අපට තක්සේරුව ආරම්භ කරන්න බැහැ,” දුම්රිය සාමාන්යාධිකාරී වරයා පැවසීය.එහි දී ඔහු ප්රකාශ කළේ නාවික හමුදාවේ සහාය ඇතිව පිරිසිදු කිරීමේ ක්රියාවලිය කඩිනමින් අවසන් කිරීමට අපේක්ෂා කරන බවකි.ඒ අනුව ඒ සම්බන්ධ විද්යාත්මක තක්සේරුව සති දෙකකින් හෝ මාසයකින් අවසන් වනු ඇත.
“පාලමේ මධ්යම කණුව අලුත්වැඩියා කිරීමට හැකි දැයි අපි සොයා බැලිය යුතුයි. එය දැන් බෑවුම් වී පාලමේ ශක්තිය අඩාල කරලා. නමුත්, පැරණි බව සහ මූලික නිරීක්ෂණ අනුව, පැරණි පාලම වෙනුවට නව පාලමක් ඉදිකිරීමට බොහෝ දුරට ඉඩ තිබෙනවා,” දුම්රිය සාමාන්යාධිකාරී වරයා වැඩි දුරටත් පැවසීය.එමෙන්ම නව පාලම සමාන්තර දුම්රිය මාර්ග දෙකකින් සමන්විත වන බව ඔහු පැවසීය.ඒ කෙසේ හෝ ශ්රී ලංකාවේ දුම් රිය සේවය පිළිබඳ අතිශය වැදගත් පුරා විද්යාත්මක ස්මාරකයක් ලෙස මෙම පාලම අනාගත පරපුරට දායාද විය යුතු බව ද බොහෝ දෙනාගේ මතය වී තිබේ.