මේ වසරේ මුල් මාස හය තුළ, එනම් 2025 ජනවාරි සිට ජුනි 30 දක්වා කාලය තුළ පමණක් මහරගම අපේක්ෂා රෝහලට පිළිකා රෝගීන් 36,000 ක් ඇතුළත් කර ඇති බව සෞඛ්‍ය නියෝජ්‍ය අමාත්‍ය වෛද්‍ය හංසක විජේමුණි මහතා අනාවරණය කොට තිබේ.ඒ අතර 2025 ජනවාරි 1 සිට ජුනි 30 දක්වා කාලය තුළ රෝහලේ නව රෝගීන් 6,700 ක් ලියාපදිංචි වී ඇති බව අමාත්‍යවරයා පවසයි.සජබ පාර්ලිමේන්තු මන්ත්‍රී චමින්ද්‍රානි කිරිඇල්ල මහත්මිය ගේ ප්‍රශ්නයකට පිළිතුරු දෙමින් අමාත්‍යවරයා පැවසුවේ සායනික ප්‍රතිකාර සඳහා දිනකට සාමාන්‍යයෙන් රෝගීන් 950 ත් 1,000 ත් අතර සංඛ්‍යාවක් අපේක්ෂා රෝහලට පැමිණෙන බවකි.