දිවයින පුරා පවතින වියළි කාලගුණික තත්ත්වය හේතුවෙන් ජාතික ජල සම්පාදන හා ජලාපවහන මණ්ඩලය සියලුම ජල පාරිභෝගිකයන් ගෙන් ජල භාවිතය සීමා කරන ලෙසට විශේෂ දැන්වීමක් මඟින් ඉල්ලා සිටී.
විශේෂ දැන්වීමක් – ජල භාවිතය සීමා කරන්න!
දැනට දිවයින පුරා පවතින වියළි කාලගුණය හේතුවෙන් ජල මූලාශ්‍රවල මට්ටම් දැඩිව පහත වැටී ඇත. එමෙන්ම උෂ්ණත්වය වැඩි වීමත් සමඟ ජල පරිභෝජනය ද ඉහළ ගොස් ඇත.පානීය ජලය සෑම පරිභෝගිකයෙකුටම සමානව ලබා දිය යුතු බැවින්, වාහන සේදීම, ගෙවතු වගාව වැනි අත්‍යවශ්‍ය නොවන කටයුතු සඳහා ජලය භාවිතය අවම කරන්න.ඔබේ දෛනික පානීය හා සනීපාරක්ෂක අවශ්‍යතා සඳහා පමණක් ජලය භාවිතා කරන්න.මෙවැනි තත්ත්වයක් ඇති වූ විට පාරිභෝගික ජනතාවගේ පානීය ජල අවශ්‍යතාවයන් සපුරාලීමේදී උස්බිම් ප්‍රදේශ වල ජල පාරිභෝගිකයන් වෙත ජලය බෙදා හැරීමේදී අඩු පීඩන තත්ත්වයක් ඇති විය හැකිය.කෙසේවුවත් මෙම වියලි හා අයහපත් කාලගුණික තත්ත්වය නිසා ජනතාවට මුහුණ දීමට සිදු වී තිබෙන දුෂ්කරතාවය පිළිබඳව ජාතික ජල සම්පාදන හා ජලාපවහන මණ්ඩලය ලෙස අපි කණගාටුව ප්‍රකාශ කරන්නෙමු
වැඩිදුර විමසීම් සඳහා – 1939