ඇමෙරිකාවේ එක් කෙළවරක සිට අනෙක් කෙළවර දක්වා ඇවිද සාම පා ගමනේ යෙදෙන බෞද්ධ භික්ෂූන් වහන්සේලා දහ නව නමකගෙන් යුතු කණ්ඩායම එම පා ගමනේ ඓතිහාසික සන්ධිස්ථානයක් සනිටුහන් කරමින් ඊයේ(10) සිය අවසාන ගමනාන්තය වන වොෂින්ටන් ඩීසී වෙත වැඩම කොට තිබේ. අලංකාර වොෂින්ටන් ජාතික ආසන දෙව්මැදුරේ පැවති අන්තර් ආගමික උත්සවය අතරතුර,එම ගමනට ස්වේච්ඡාවෙන් එක් වූ ආලෝකා සුනඛයා ද ඒ සියල්ල මැද වාඩි වූ බවත් ඔහු ඉතා සන්සුන්ව ඒ සඳහා කැපවූ බවක් පෙනෙන්නට තිබූ බවත් වාර්තා වෙයි.මෙම පා ගමන පුරාවට වහන්සේලා අසල විශ්වාසවන්තව රැඳී සිටි සිටි ආලෝකා මේ මොහොත කෙතරම් සුවිශේෂ දැයි හරියටම දැන සිටියාක් මෙන් හැසුරුණු බව ද සඳහන් වේ.