මේ වසරේ සිට ක්රියාත්මක කිරීමට නියමිතව තිබූ 6 වන ශ්රේණියේ අධ්යාපන ප්රතිසංස්කරණ යළි සමාලෝචනය කර 2027 දී ආරම්භ කිරීමට අමාත්ය මණ්ඩලය තීරණය කර තිබේ.කෙසේ නමුත් 1 වන ශ්රේණියේ අධ්යාපන ප්රතිසංස්කරණ මේ වසර තුළ එලෙසම ක්රියාත්මක කරන බව ඊයේ(13) කැබිනට් තීරණ දැනුම් දීමේ මාධ්ය හමුවේදී කැබිනට් ප්රකාශක අමාත්ය නලින්ද ජයතිස්ස මහතා පැවසීය.එමෙන්ම ප්රශ්න ගත 6 වන ශ්රේණියේ ඉංග්රිසි මොඩියුලයට අදාළව අපරාධ පරීක්ෂණ දෙපාර්තමේන්තුව සහ අධ්යාපන අමාත්යාංශය විසින් සිදුකළ විමර්ශන වාර්තාව තුළින් ලද ප්රතිඵල මත ජාතික අධ්යාපන ආයතනයේ පාලන සභාව විසින් අදාළ සිදුවීම වගකිව යුතු නිලධාරීන්ට එරෙහිව විනය ක්රියාමාර්ග ගැනීමට නියමිත බව ද අමාත්යවරයා කීය.