වියළි කාලගුණික තත්ත්වය හේතුවෙන් කොළඹ දිස්ත්රික්කයේ ප්රදේශ රැසකට අද (3) දිනයේ ජල කප්පාදුවක් සිදු කෙරෙයි.ජාතික ජල සම්පාදන හා ජලාපවහන මණ්ඩලය පසුගියදා(02) නිකුත්කළ නිවේදනයට අනුව කලටුවාව සහ ලබුගම ජලාශවලින් ජලය සපයන පාදුක්ක, හෝමාගම, පැලන්වත්ත සහ පන්නිපිටිය ඇතුළු ප්රදේශ කිහිපයකට මෙලෙස ජල සැපයුම අත්හිටුවනු ලබයි.
ඒ අනුව හෝමාගම ප්රදේශයට අද (03) රාත්රී 8 සිට හෙට (04) රාත්රී 8 දක්වා පැය 24ක කාලයකට ජල සැපයුම අත්හිටුවීමට නියමිතයි.තවද පැලැන්වත්ත ප්රදේශයට හෙට (4) රාත්රී 8 සිට පසුදින (අප්රේල් 5) රාත්රී 8 දක්වා ජල කප්පාදුවක් සිදු කිරීමට තීරණය කර තිබේ.
මෙම ජල කප්පාදුව ඉහත සඳහන් කළ ප්රදේශවලට දින තුනකට වරක් සිදු කිරීමට ජාතික ජල සම්පාදන හා ජලාපවහන මණ්ඩලය තීරණය කර තිබෙන නමුත් ජල කප්පාදුව සිදු නොවන දිනවල අඛණ්ඩව ජල සැපයීමක් ලබාදීමටයි සැලසුම් කර ඇත.