අඛණ්ඩ වෘත්තිය ක්රියාමාර්ගය සඳුදා සිට තීව්ර කරයි
තම අඛණ්ඩ වෘත්තිය ක්රියාමාර්ගය එළැඹෙන සඳුදා (02) සිට තීව්ර කිරීමට රජයේ වෛද්ය නිලධාරීන්ගේ සංගමය ( GMOA ) තීරණය කර තිබේ.ඉල්ලීම් කිහිපයක් මුල් කරගනිමින් රජයේ වෛද්ය නිලධාරීන්ගේ සංගමය විසින් පසුගිය 26 වැනිදා සමස්ත රෝහල් පද්ධතිය ආවරණය වන පරිදි මෙම අඛණ්ඩ වෘත්තිය ක්රියාමාර්ගය ආරම්භ කරන ලදී..එහිදී පසුගිය 26 වැනි දින රැස් වූ රජයේ වෛද්ය නිලධාරීන්ගේ සංගමයේ මධ්යම කාරක සභාව සෞඛ්ය අමාත්යවරයාට ඔවුන්ගේ ගැටලු සඳහා සාධනීය විසඳුමකට එළැඹ එය ප්රකාශයට පත් කිරීම සඳහා පැය 48ක කාලයක් ලබා දීමට තීරණය කරන ලදී.කෙසේ නමුත් අදාළ ඉල්ලීම් සඳහා සාධනීය විසඳුම් ඉදිරිපත් කිරීමට සෞඛ්ය අමාත්යාංශය අපෙහොසත්ව ඇති බැවින් එළැඹෙන 02 වැනිදා සිට එම වෘත්තිය ක්රියාමාර්ගය තීව්ර කරමින් අඛණ්ඩ නැවත ඉදිරියට පවත්වාගෙන යාමට තීරණය කර තිබේ.ඒ අනුව මීට අදාළව එම සංගමයේ විධායක සභාවේ හදිසි රැස්වීමක් අද (31) පෙරවරුවේ පවත්වා ඇති අතර ඒ අනුව මෙම ක්රියාමාර්ග ඉදිරියට අඛණ්ඩව පවත්වාගෙන යාම සඳහා රජයේ වෛද්ය නිලධාරීන්ගේ සංගමය තීරණය කර ඇත.එහිදී රෝහල තුළ නොමැති ඖෂධ සහ උපකරණ බාහිරින් ලබා ගැනීම සඳහා රෝගීන්ට නිර්දේශ කර තුණ්ඩු නිකුත් කිරීම අත්හිටුවීම, රෝහල තුළ නොමැති රසායනාගාර පරීක්ෂණ බාහිරින් සිදු කරගැනීම සඳහා රෝගීන්ට නිර්දේශ කර තුණ්ඩු නිකුත් කිරීම අත්හිටුවීම, දේශපාලන කණ්ඩායම් විසින් සංවිධානය කරනු ලබන සෞඛ්ය කඳවුරු සහ සායන සඳහා ස්වෙච්ඡාවෙන් සහභාගිවිමෙන් ඉවත් වීම, අනුමත වෛද්යවරුන් සංඛ්යාව නොමැතිව රෝහල් පද්ධතිය තුල විවෘත කරන නව රෝහල් වාට්ටු සහ ඒකක වලට වෛද්යවරුන් අනුයුක්ත කිරීම අත්හිටුවීම, රෝගීන්ගේ ආරක්ෂාව සහ පෞද්ගලිකත්වය සුරැකීමට අවශ්ය ප්රමාණවත් පහසුකම් සහ සහායක කාර්යමණ්ඩලය නොමැතිව රෝගීන් පරීක්ෂා කිරීමෙන් ඉවත් වීම, විශේෂඥ වෛද්යවරුන් තමන් අනුයුක්ත කරන ලද රෝහල තුළ පමණක් විශේෂඥ සේවා සැපයීම සහ ඉන් පරිබාහිර විශේෂඥ වෛද්යවරුන් නොමැති රෝහල්වල සේවාවන් සදහා රාජකාරි ආවරණය කිරීමෙන් ඉවත් වීම. වැනි කරුණු එළැඹෙන 02 වැනිදා උදෑසන 8.00සිට ආරම්භ කිරීමට නියමිත බව රජයේ වෛද්ය නිලධාරීන්ගේ සංගමය තීරණය කර ඇත.