ජ්‍යෙෂ්ඨ ජන මාධ්‍යවේදියකු වන හෙන්රි ප්‍රියශාන්ත මෙන්ඩිස් මහතා අභාවප්‍රාප්ත විය.පුරා දශක හයකට අධික කාලයක් මොරටුව ප්‍රාදේශීය ජන මාධ්‍යවේදියකු හා විශේෂාංග ලේඛකයකු ලෙස කටයුතු කළ ඔහු වෘත්තියෙන් ඡායාරූප ශිල්පියෙකි. මොරටුවේ නව මඟක යන්නෝ’ කලා සංවිධානයේ සභාපතිවරයා ලෙස දිගු කලක් කටයුතු කළ ඒ මහතා රුක්මණී දේවී අනුස්මරණ සංවිධානයේ සභාපති ලෙස ද දිගු කලක් මුළුල්ලේ කටයුතු කොට තිබේ.ඉතා උත්සාහවන්ත කාර්ය ශූර චරිතයක් ලෙස බොහෝ දෙනාගේ දැන හැඳිනීමට ලක් ව සිටි ඔහු ජීවිත කාලයෙන් වැඩිම කොටසක් සිනා සපිරි මුවින් යුතුව සිටින අයකු ලෙස ද හිතවතුන් අතරේ ප්‍රකට විය.මිය යන විට අසූ අට හැවිරිදිව සිටි හෙන්රි ප්‍රියශාන්ත මෙන්ඩිස් මහතා ගේ දේහය පිළිබඳ අවසන් කටයුතු රත්නපුරයේ දී සිදු කිරීමට නියමිත ය.