මත් ද්රව්ය භාවිත කර සේවයේ යෙදෙමින් සිටි පිළියන්දල ප්රධාන බස් නැවතුම්පොළින් ගමන් ආරම්භ වන සහ පිළියන්දල නගරය ඔස්සේ ධාවනය වන පෞද්ගලික බස් රථවල රියදුරන් සහ කොන්දොස්තරවරුන් හත්දෙනකු අත්අඩංගුවට ගෙන තිබේ. එම පරික්ෂා කිරීම් පිළියන්දල ප්රධාන බස් නැවතුම්පොලේ දී ජාතික ප්රවාහන වෛද්ය ආයතනයේ විශේෂ බස් රථයක් තුළ සිදුකර ඇති අතර බස් රථ රියදුරන් සහ කොන්දොස්තරවරුන් 170 එලෙස පරීක්ෂාවට ලක් කර තිබේ.නුගේගොඩ ජාතික ප්රවාහන වෛද්ය ආයතනය සහ පිළියන්දල පොලීසිය ඒකාබද්ධව පුරා පැය පහකට ආසන්න කාලයක් එම පරික්ෂා කිරීම සිදුකර තිබේ.මාර්ග අංක 120 ( කැස්බෑව – පිටකොටුව) , මාර්ග අංක 255 ( ගල්කිස්ස – කොට්ටාව), මාර්ග අංක 162 ( පිළියන්දල බණ්ඩාරගම), මාර්ග අංක 341 ( පිළියන්දල – මහරගම), මාර්ග අංක 341/2 ( කරදියාන හරහා – මහරගම), මාර්ග අංක 342 ( පිළියන්දල -කොට්ටාව), මාර්ග අංක 157 ( කහපොල – පිළියන්දල ) හා මාර්ග අංක 157/1 පිළියන්දල – මාකන්දන) යන මාර්ගයන්හි රියදුරන් සහ කොන්දොස්තරවරුන් එලෙස පරීක්ෂාවට ලක් කර ඇත.අත්අඩංගුවට ගත් සැකකරුවන් කැස්බෑව මහෙස්ත්රාත් අධිකරණය වෙත ඉදිරිපත් කිරීමට නියමිතය.පිළියන්දල
පොලීසිය ඉදිරි පරීක්ෂණ පවත්වයි.