ශ්‍රී ලංකාවේ ප්‍රථම වරට මීකිරි යෝගට් වෙළෙඳ පොළට හඳුන්වා දීමට කටයුතු කර ඇතැයි ජාතික පශු සම්පත් සංවර්ධන මණ්ඩලයේ සභාපති වෛද්‍ය බී.සී.එස්. පෙරේරා මහතා පවසයි.ලබන සතියේ සිට මෙම මීකිරි යෝගට් මණ්ඩලය සතු සියලු අලෙවි සල්වලින් මිලදී ගත හැකි බවද කියා සිටි සභාපති වරයා ජනතාවට ගුණාත්මක කිරි ආශ්‍රිත නිෂ්පාදන සැපයීමේ පියවරක් ලෙස මෙසේ මීකිරි යෝගට් හඳුන්වා දෙන බවත් මේ සඳහා කිසිදු රසකාරකයක් අන්තර්ගත නොකරන බවත් පෙන්වා දෙයි.