දිවයින පුරා වාර්තාවන ඩෙංගු රෝගීන්ගේ 30%ක් වයස අවුරුදු 19න් පහළ බාලවයස්කරුවන් බව ජාතික ඩෙංගු මර්ධන ඒකකය පවසයි.එහි ප්රජා සෞඛ්ය විශේෂඥ වෛද්ය ප්රශීලා සමරවීර පැවසුවේ, වාර්තාවන සෙසු රෝගීන් වයස අවුරුදු 20ත් 65ත් අතර වන බවයි.
ඒ අනුව වැඩිම වයස අවුරුදු 65ට වැඩි කාණ්ඩයෙන් වැඩිම ඩෙංගු මරණ සංඛ්යාවක් වාර්තා වේ.මේ අතර දිස්ත්රික්ක 12ක තවදුරටත් ඩෙංගු ව්යාප්තිය ඉහළ ගොස් ඇතැයි ජාතික ඩෙංගු මර්ධන ඒකකය පවසයි.
වසරේ ගත වූ කාලසීමාව තුළ වාර්තා වී ඇති ඩෙංගු රෝගීන් සංඛ්යාව 78,125ක්.ඉන් වැඩිම පිරිසක් බස්නාහිර පළාතේ ගම්පහ දිස්ත්රික්කයෙන් වාර්තා වේ.එම සංඛ්යාව 16,798 ක්.
ජාතික ඩෙංගු මර්දන ඒකකය සඳහන් කළේ පසුගිය මාස කිහිපය තුළ රෝගීන්ගේ කැපී පෙනෙන වර්ධනයක් දක්නට ලැබෙන බවයි.ඒ අනුව මැයි මාසයේදී රෝගීන් 8,590ක් ද, ජූනි මාසයේදී රෝගීන් 21,535ක් සහ ජූලි මාසයේ ගතවූ දින 21 තුළ පමණක් රෝගීන් 22,749 ක් වාර්තා වී තිබේ.
මෙම වසර තුළ ඩෙංගු රෝගය හේතුවෙන් මරණ 56ක් සිදු වී තිබෙන බවයි වාර්තා වෙයි.