දිවයිනට ඊසාන දෙසින් වයඹදිග බෙංගාල බොක්ක ආශ්රිතව පැවති පීඩන අවපාතය මේ වන විට ගැඹුරු පීඩන අවපාතයක් දක්වා වර්ධනය වී තිබෙන බව කාලගුණ විද්යා දෙපාර්තමේන්තුව පවසයි.
එම දෙපාර්තමේන්තුව සඳහන් කළේ මෙම ගැඹුරු පීඩන අවපාතයේ සෘජු බලපෑමක් ශ්රී ලංකාවට නොමැති වුවද පද්ධතිය වෙත ඇදීයන සුළං ප්රවාහය හේතුවෙන් දිවයිනේ නිරිතදිග ප්රදේශයේ පවතින වැසි තත්ත්වය තවදුරටත් අපේක්ෂා කරන බවයි.
එමනිසා බස්නාහිර, සබරගමුව, මධ්යම සහ වයඹ පළාත්වලත් ගාල්ල සහ මාතර දිස්ත්රික්කවලත් විටින් විට වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව සඳහන් කරයි.
එමෙන්ම ඇතැම් ස්ථානවලට මි.මී. 100ට ඉක්ම වූ තද වැසි ඇති විය හැකියි.