ගල්ගමුව ප්රදේශයේදී පාදයකට තුවාල සිදුව ප්රතිකාර ලබන කාවන්තිස්ස ඇතාගේ ආරක්ෂාව වෙනුවෙන් කඩිනම් පියවරක් ගත යුතු බව සත්ව ලෝලීන් සහ පරිසරවේදීහු පෙන්වා දෙති.මේ වන විට කාවන්තිස්ස ඇතා තෙවැනි දිනටත් පශු වෛද්ය ප්රතිකාර ලබමින් සිටින අතර, ඇතාගේ තත්ත්වය සම්බන්ධයෙන් වනජීවී නිලධාරීන් සහ පශු වෛද්ය කණ්ඩායම් අධීක්ෂණය කරමින් සිටිති.ප්රතිකාර කටයුතු සිදු කෙරෙන කාලය තුළදී ඇතාගේ ආරක්ෂාවට විශේෂ අවධානයක් යොමු කිරීම අත්යවශ්ය බව සත්ව ලෝලීහු පවසති. විශේෂයෙන් තුවාල ලැබූ සත්වයකුගේ හැසිරීම වෙනස් විය හැකි බැවින්, අනවසරයෙන් ළඟාවීම, ඡායාරූප ගැනීම හෝ ජනතාව විශාල වශයෙන් ඒ අවට රැස්වීම වැළැක්වීම වැදගත් බව ඔවුහු පෙන්වා දෙති.එමෙන්ම කාවන්තිස්ස ඇතා ප්රතිකාර ලබන කාලය තුළ ඔහුගේ ආරක්ෂාව සඳහා සුදුසු ස්ථානයක රඳවා තැබීම, අවශ්ය ආරක්ෂක පියවර යෙදීම සහ නැවත වනයට මුදාහැරීමෙන් පසුද ඇතාගේ ආරක්ෂාව පිළිබඳ අඛණ්ඩ වැඩපිළිවෙළක් සකස් කිරීම කෙරෙහි බලධාරීන්ගේ අවධානය යොමු විය යුතු බව පරිසරවේදීහු පවසති. තුවාල ලැබූ වන අලියකු ප්රතිකාර ලබන අවස්ථාවකදී ප්රතිකාරය පමණක් නොව එම සත්වයා යළි එවැනි අනතුරකට ලක් නොවන පරිදි ආරක්ෂාව තහවුරු කිරීමද බලධාරීන්ගේ වගකීමක් බව ඔවුහු අවධාරණය කරති.කාවන්තිස්ස ඇතාගේ තුවාල සුව වන තෙක් අවශ්ය පශු වෛද්ය ප්රතිකාර අඛණ්ඩව ලබාදීමත්, එම කාලය තුළ ඇතාගේ ආරක්ෂාව සඳහා විධිමත් වැඩපිළිවෙළක් ක්රියාත්මක කිරීමත් සම්බන්ධයෙන් වහා අවධානය යොමු කරන ලෙස සත්ව ලෝලීන් සහ පරිසරවේදීහු ඉල්ලා සිටිති.