සුරේෂ් රයිනා මෑත කාලයේ ඉතා ජනප්‍රිය වූ ඉන්දීය ක්‍රිකට් ක්‍රීඩකයෙක්. ක්‍රිකට් ක්‍රීඩාවෙන් දස්කම් දැක් වූ රයිනා දැන් තවත් ක්ෂේත්‍රයකින් සිය හැකියාවන් පෙන්වීමට සූදානම් වෙනවා.
ඔහු ළඟදීම ඉන්දියානු ච්ත්‍රපටයක රඟපෑමට සූදානම් වන බව පසුගිය දිනවල මාධ්‍ය වාර්තා කර තිබුණා. එම වාර්තාවල සඳහන් වන ආකාරයට රයිනා රඟපෑමට සූදානම් වන්නේ දෙමළ චිත්‍රපටයක යි. තමාට ලැබුණු මේ අපූරු අවස්ථාව සම්බන්ධයෙන් ඔහු මහත් සතුටට පත්ව සිටින බව පෙනෙනවා.
රයිනා දෙමළ චිත්‍රපටයක් සඳහා තෝරා ගැනීමට විශේෂ හේතුවක් තිබෙනවා. එනම් ඔහු දෙමළ ජනයා වැඩි වශයෙන් ජීවත්වන තමිල්නාඩු ප්‍රාන්තය තුළ ඉතා ජනප්‍රිය චරිතයක් වීමයි. රයිනා වසර ගණනක්ම ඉන්දීය ප්‍රිමියර් ලීග් (අයිපීඑල්) තරගාවලියේ දී චෙන්නායි සුපර් කිංග්ස් පිල නියෝජනය කරමින් ක්‍රීඩා කළ බව රහසක් නොවෙයි. (චෙන්නායි යනු තමිල්නාඩුවේ ප්‍රධාන නගරය යි.)
එම කාලය තුළ තමිල්නාඩු ක්‍රීඩා ලෝලීන්ගේ ඉමහත් ආදරයට පාත්‍ර වීමට රයිනාට හැකි වුණා.
රයිනා සිනමා නළුවකු ලෙස දොරට වඩින චිත්‍රපටයට තවමත් නමක් තබා නැහැ. දැනට එය තාවකාලිකව නම් කර ඇත්තේ Production No. 1 යනුවෙන්. එහි කතා පුවත මොන විදියේ එකක් ද කියාත් තවම විස්තරයක් පළ වී නැහැ. නමුත් මෙය ක්‍රිකට් ක්‍රීඩාව පසුබිම් කරගත් කතාවක් රැගත් චිත්‍රපටයක් බව මාධ්‍ය වාර්තා කර තිබුණා.
2008 සිට 2021 දක්වා ඔහු චෙන්නායි සුපර් කිංග්ස් පිල වෙනුවෙන් ක්‍රීඩා කළ අතර අවස්ථා තුනක දී එම කණ්ඩායමට අයිපීඑල් ශූරතාව දිනා දීමටත් දායක වුණා.
රයිනා මෙම කණ්ඩායමේ උප නායකයා හැටියටත් කටයුතු කර තිබෙනවා. ඒ වනවිට කණ්ඩායමේ නායකත්වය දැරුවේ එම්. එස්. දෝනි.
රයිනා සිනමා නළුවකු ලෙස දොරට වඩින චිත්‍රපටයට තවමත් නමක් තබා නැහැ. දැනට එය තාවකාලිකව නම් කර ඇත්තේ Production No. 1 යනුවෙන්. එහි කතා පුවත මොන විදියේ එකක් ද කියාත් තවම විස්තරයක් පළ වී නැහැ. නමුත් මෙය ක්‍රිකට් ක්‍රීඩාව පසුබිම් කරගත් කතාවක් රැගත් චිත්‍රපටයක් බව මාධ්‍ය වාර්තා කර තිබුණා.
රයිනා සහභාගි වන රූපගත කිරීම් ලබන ඔක්තෝබර් මාසයේ ආරම්භ වනු ඇති බවයි සඳහන් වන්නේ.
මේ චිත්‍රපටය නිශ්පාදනය කරන්නේ Dream Knight Stories නැමැති සමාගමක්. Production No. 1 චිත්‍රපටයට රයිනා සම්බන්ධ වීම නිවේදනය කරමින් ඔවුන් පසුගිය දිනෙක වීඩියෝවක් සමාජ මාධ්‍යයට නිකුත් කර තිබුණා.
රයිනා කි‍්‍රකට් පිටියකට අවතීර්ණ වන ආකාරයත්, කී‍්‍රඩා ලෝලීන් විශාල පිරිසක් ඔහු වෙනුවෙන් ඔල්වරසන් නගන ආකාරයත් මෙම වීඩියෝවේ දැක්වෙනවා. චිත්‍රපටයට රයිනාව සාදරයෙන් පිලිගන්නා බවත් නිශ්පාදන සමාගම එහි සඳහන් කර තිබෙනවා.
තමාව මෙයට සම්බන්ධ කර ගැනීම ගැන රයිනා එහි නිශ්පාදකයන්ට ස්තුතිය පළ කර තිබුණා. ඔහු මීට සම්බන්ධ වීමට කැමැත්ත පළ කර තිබුණේ එය ක්‍රිකට් සම්බන්ධ කතාවක් වීම නිසා සහ එහි කතාව ඔහු තුළ ආකර්ශණක් ඇති කළ නිසා බව සඳහන්. චිත්‍රපටය අධ්‍යක්ෂණය කරන ලෝගන් මෙහි කතාව රයිනා සමග විස්තර කළ අවස්ථාවේ ඒ ගැන රයිනා තුළ විශාල කැමැත්තක් ඇතිව තිබූ බව පැවසෙනවා.
මෙම චිත්‍රපටය සාර්ථක වුවහොත් එය රයිනා ගේ ජීවිතයේ අලුත් පරිච්ඡේදයක ආරම්භය වනු ඇති.
Production No. 01 චිත්‍රපටය සම්බන්ධයෙන් කියැවෙන තවත් අපූරු කාරණයක් වන්නේ එම්. එස්. දෝනි ද මෙහි කෙටි චරිතයක් රඟපෑමට ඉඩ ඇති බව යි.
මෙයට පෙර තවත් ඉන්දීය ක්‍රිකට් ක්‍රීඩකයන් කිහිප දෙනෙකුම චිත්‍රපටවල රඟපා තිබෙනවා. ඒ අතරින් සමහරුන් ප්‍රධාන චරිත රඟපා ඇති අතර සමහරුන් රඟ පා ඇත්තේ කෙටි චරිත යි.
ඉන්දීය ක්‍රිකට් ක්‍රීඩාවේ පුරාවෘත්තයක් වන සුනිල් ගවස්කාර් වරක් චිත්‍රපටයක ප්‍රධාන චරිතයක් නිරූපනය කළා. ඒ, “සව්ලි ප්‍රේමාචි” නැමැති සිනමාපටයක යි. 1980 වසරේ තිරගත වූ මෙම චිත්‍රපටයේ රඟපෑමට ඔහුව කැමති කරවාගෙන තිබුණේ ක්‍රිකට් විනිසුරුවරයෙකු බව සඳහන්. “සව්ලි ප්‍රේමාචි” චිත්‍රපටයේ එම විනිසුරුවරයා ගේ සහෝදරියක් ද රඟපා තිබුණා. කෙසේ හෝ වේවා, මේ චිත්‍රපටය එතරම් සාර්ථක වී තිබුණේ නැහැ.
එයින් වසර අටකට පසු ගවස්කාර් තවත් චිත්‍රපටයක රඟපා තිබුණත් එහි ඔහු රඟපා තිබුණේ කෙටි චරිතයක්. “මාලමාල්” නැමැති මේ සිනමාපටයේ ප්‍රධාන චරිතය නිරූපනය කළේ සුප්‍රකට නළු නසීරුදීන් ෂා.
දක්ෂ පන්දු යවන්නකු වූ හර්බජන් සිං ද චිත්‍රපටවල රඟ පා තිබෙනවා. වරක් ඔහු ප්‍රධාන චරිතයකුත් රඟපෑවා. ඒ, Friendship නැමැති චිත්‍රපටයක යි. එය තිරගත වුණේ 2021 වසරේ. මෙහි හර්බජන් නිරූපනය කළේ විශ්වවිද්‍යාල ශිෂ්‍යයකු ගේ චරිතයක්. මෙය ලිංගික අතවරයකට ලක් කර මරා දමනු ලැබූ සිසුවියක් වෙනුවෙන් යුක්තිය ඉටු කරගැනීමට සටන් කරන සිසුන් දෙදෙනෙකු පිළිබඳ කතාවක් රැගත් සිනමාපටයක්.
අති දක්ෂ ක්‍රීඩකයකු වූ කපිල් දේව් ද සිනමාවට එක් වූ තවත් ක්‍රිකට් තරුවක්. නමුත් ඔහු රඟ පා ඇත්තේ කෙටි චරිත යි. 1983 වසරේ ඉන්දියාව ක්‍රිකට් ලෝක කුසලානය දිනා ගැනීම පිළිබඳ කතාව රැගත් “83” නැමැති චිත්‍රපටය කපිල් රඟපෑ එක් සිනමාපටයක්. එම ලෝක කුසලාන තරගාවලියේ දී ඉන්දීය පිලේ නායකත්වය දැරුවේ කපිල් දේව්.
හර්බජන් තව චිත්‍රපට කිහිපයක කෙටි චරිතත් රඟ පා තිබෙනවා.
අති දක්ෂ ක්‍රීඩකයකු වූ කපිල් දේව් ද සිනමාවට එක් වූ තවත් ක්‍රිකට් තරුවක්. නමුත් ඔහු රඟ පා ඇත්තේ කෙටි චරිත යි. 1983 වසරේ ඉන්දියාව ක්‍රිකට් ලෝක කුසලානය දිනා ගැනීම පිළිබඳ කතාව රැගත් “83” නැමැති චිත්‍රපටය කපිල් රඟපෑ එක් සිනමාපටයක්. එම ලෝක කුසලාන තරගාවලියේ දී ඉන්දීය පිලේ නායකත්වය දැරුවේ කපිල් දේව්.
2024 වසරේ තිරගත වූ ලාල් සලාම් නැමැති චිත්‍රපටයකත් ඔහු පෙනී සිටියා. ක්‍රිකට් ක්‍රීඩාව පසුබිම් කරගත් මේ චිත්‍රපටයේ ඔහු පෙනී සිටියේ කපිල් දේව් හැටියටම යි. සුපිරි නළු රජිනිකාන්ත් ද මෙහි ප්‍රධාන චරිතයක් නිරූපනය කළා.
ඉර්ෆාන් පතාන්, යූසුෆ් පතාන්, ෂිකාර් ධවාන්, යුව්රාජ් සිං වැනි ක්‍රිකට් ක්‍රීඩකයන් ද චිත්‍රපටවල රඟ පා තිබෙනවා.
නිහාල් පීරිස්