ශ්‍රී ලංකා පොලීසියේ නිලධාරිනියන්ගේ පුරප්පාඩු පිරවීමට කාන්තාවෝ 1000ක් බඳවා ගැනීමට සැලසුම් කර තිබේ. කොටස් දෙකක් වශයෙන් මෙම බඳවා ගැනීම් සිදු කිරීමට නියමිත බව පොලිස් මූලස්ථාන තොරතුරු අනාවරණය කරයි.
ශ්‍රී ලංකා පොලීසියේ අනුමත කාන්තා නිලධාරීන් ගණන 10,000කි. එහෙත් දැනට සේවයේ නිරතව සිටින්නේ 8,000ක් පමණ වූ නිලධාරිනියන් පිරිසකි. ඒ අනුව 2,000ක පමණ පුරප්පාඩුවක් ඇති බව පොලිස් පිරිස් පාලන අංශයේ තොරතුරු සඳහන් කරයි.
කාන්තා නිලධාරිනියන්ට පොලිස්පති ධුරය දක්වා ගමන් කිරීමට මේ වනවිට අවස්ථා ඇත. කාන්තා ජ්‍යෙෂ්ඨ නියෝජ්‍ය පොලිස්පතිවරියකට පුරප්පාඩුවක් ද පවතී. එහෙත් එම තනතුරට සුදුසුකම් සම්පූර්ණ කළ නිලධාරිනියන් මෙතෙක් නොමැති බැවින් එම ධුරය ඇත්තේ පුරප්පාඩුවක් ලෙසිනි.