.
ශ්රී දළදා වහන්සේ උදෙසා වාර්ෂිකව සිදු කෙරෙන අලුත් සහල් මංගල්යය පෞරාණික චාරිත්රානුකූලව හෙට (03) ශ්රී දළදා මාලිගාවේදී සිදු කිරීමට නියමිත ය.අතීත සම්ප්රදායන් අනුව ශ්රී දළදා වහන්සේට මෙරට රාජ්යත්වය ආරෝපණය කරමින් නව වසරේ අලුත් සහලින් උතුම් දළදා සමිඳුන් පිදීම සෑම වසරකම දුරුතු පුන් පොහෝ දින පැවැත්වෙන්නේ දළදා තේවාව භාර නායක ස්වාමින්ද්රයන් වහන්සේගේ සහ දියවඩන නිලමේවරයාගේ ප්රධානත්වයෙනි.ශ්රී දළදා මාලිගාවට අයත් කෙත් වතුවලින් නෙළාගන්නා වී අස්වැන්නේ අග්ර ඵලය පල්ලේකැලේ පිහිටි ශ්රී දළදා මාලිගාවට අයත් වී අටුවේ තැන්පත් කර තැබීමෙන් පසු අලුත් සහල් මංගල්යය සඳහා අවශ්ය සහල් දළදා මාලිගාව වෙත රැගෙන එනු ලබන්නේ අලි ඇතුන් සහිත පෙරහරකිනි.පෞරාණික චාරිත්රානුකූලව ශ්රී දළදා මාලිගාව, සිවු මහා දේවාල හා පිටිසර දේවාලවලට අයත් සහල් කොටස් වෙන් කිරීම පල්ලේකැලේ අටුවේදී සිදු කරනු ලබන්නේ ඊට පෙර දින ය. මෙවර අලුත් සහල් මංගල්යය සඳහා අවශ්ය සහල් පෙරහරින් රැගෙන ඒම පසුගිය 30 වැනිදා සිදු කෙරිණි.මෙම පූජා චාරිත්රය වාර්ෂිකව නිසි පරිදි ඉටු කිරීමෙන් රටටත් ජනතාවයටත් සතුට සෞභාග්යය උදා වන බවට ජන සම්මතයක් පවතී.
.