ලංකා ඛනිජ තෙල් නීතිගත සංස්ථාව (CPC) විසින් ඉන්ධන මිල ගණන් ඊයේ (30) මධ්යම රාත්රියේ සිට සංශෝධනය කර තිබේ. ඒ අනුව පෙට්රල් 92 ඔක්ටේන්, සුදු ඩීසල් සහ සුපර් ඩීසල් මිල ඉහළ දමා ඇති අතර, පෙට්රල් 95 ඔක්ටේන් සහ භූමිතෙල් මිලෙහි වෙනසක් සිදු කර නොමැත.ඒ අනුව පෙට්රල් 92 ඔක්ටේන් ලීටරයක මිල රුපියල් 15කින් ඉහළ දමා ඇති අතර, එහි නව මිල රුපියල් 414කි. අගෝස්තු 30 වැනිදා සිදු කළ පෙර සංශෝධනයේදී මෙම පෙට්රල් වර්ගයේ මිල රුපියල් 399 දක්වා අඩු කර තිබිණි.සුදු ඩීසල් ලීටරයක මිල රුපියල් 10කින් ඉහළ දමා රුපියල් 392ක් කර ඇති අතර, සුපර් ඩීසල් ලීටරයක මිල රුපියල් 50කින් ඉහළ දමා රුපියල් 528ක් කර තිබේ. මේ අතර පෙට්රල් 95 ඔක්ටේන් ලීටරයක මිල රුපියල් 475ක් ලෙසත්, භූමිතෙල් ලීටරයක මිල රුපියල් 285ක් ලෙසත් නොවෙනස්ව පවතී.
ඒ අනුව සංශෝධිත සිපෙට්කෝ ඉන්ධන මිල ගණන් මෙසේය:
පෙට්රල් 92 ඔක්ටේන් – රු. 414
පෙට්රල් 95 ඔක්ටේන් – රු. 475
සුදු ඩීසල් – රු. 392
සුපර් ඩීසල් – රු. 528
භූමිතෙල් – රු. 285
මෙය මේ වසරේ සිපෙට්කෝ ඉන්ධන මිල සංශෝධන මාලාවේ නවතම සංශෝධනය වන අතර, සංස්ථාවේ නිල ඓතිහාසික මිල දත්ත අනුව අගෝස්තු 31 වන විට පෙට්රල් 92 රු. 399ක්, සුදු ඩීසල් රු. 382ක් සහ සුපර් ඩීසල් රු. 478ක් ලෙස පැවතිණි.