2026 ලංකා ප්රිමියර් ලීග් 20-20 ක්රිකට් තරගාවලිය සඳහා විදෙස් ක්රීඩකයන් 700ක් අවස්ථාව ඉල්ලා තිබෙන බව තරගාවලියේ අධ්යක්ෂ සමන්ත දොඩන්වෙල මහතා සඳහන් කරයි.
කෙසේවෙතත් ඉල්ලුම් කර ඇති ක්රීඩකයින් 700 අතරින් විදෙස් ක්රීඩකයන් 250ක් පමණක් ලියාපදිංචි කරන බවයි දොඩන්වෙල මහතා සඳහන් කර සිටියි.
මාර්ගගත ක්රමය හරහා ක්රීඩක ලියාපදිංචිය ඊයේ(20) මධ්යම රාත්රියෙන් පසු වසා දමා ඇති අතර, ශ්රී ලංකාවේ ප්රමුඛ පෙළේ ක්රීඩකයන්ද 160ක් පමණ ලංකා ප්රිමියර් ලීග් ක්රිකට් තරගාවලියට මෙවර සම්බන්ධ කරගැනීමට අපේක්ෂා කෙරෙයි.
පාකිස්තානය, බංග්ලාදේශය, දකුණු අප්රිකාව, ඇෆ්ගනිස්තානය සහ එංගලන්තය යන රටවල ක්රීඩකයන් මෙවර ලංකා ප්රිමියර් ලීග් ක්රිකට් තරගාවලිය කෙරෙහි විශාල උනන්දුවක් තිබීම විශේෂත්වයක්.
ලංකා ප්රිමියර් ලීග් ක්රිකට් තරගාවලිය ජූලි මස 17දා ආරම්භ කිරීමට ශ්රී ලංකා ක්රිකට් ආයතනය සැලසුම් කොට ඇති අතර, එදින යාපනය හා ගාල්ල කණ්ඩායම් අතර රාත්රී තරගය කොලඹ SSC පිටියේදී පැවැත්වීමට නියමිතයි.
අවසන් මහා තරගය අගෝස්තු 8 වැනිදා කොළඹ ආර්. ප්රේමදාස පිටියේ පැවැත්වෙන අතර, එම තරගය ඇතුළු තරගාවලියේ රාත්රී තරග ගන්න 16ක්.
ඊට අමතරව දිවා තරග 8ක් තරගාවලියට ඇතුළත්.