ශ්රී ලංකා රුපියල මත තිබෙන පීඩනය තවදුරටත් තීව්ර කරමින් ඊයේ දිනයේදී අමෙරිකානු ඩොලරයක විකුණුම් මිල රුපියල් 329 යි ශත 92ක් දක්වා ඉහළ ගොස් තිබේ.
එම අගය 2023 දෙසැම්බර් 27 වැනිදායින් පසු ඩොලරයක් වෙනුවෙන් මෙරට වාර්තා වූ ඉහළම මිලයි.
2022 මාර්තු 07 දක්වා රුපියල් 202.99ක ස්ථාවර අගයක පැවති පැවති අමෙරිකානු ඩොලරයේ රුපියල් වටිනාකම, 2022 මාර්තු 08 දින සිට රුපියල පා කිරීමට ගත් තීරණයත් සමගින් ශීඝ්රයෙන් ඉහළ ගොස් ඇත.
එහි ප්රතිඵලයක් ලෙස 2022 මැයි 12 වන විට රුපියල් 377.49ක් දක්වා ඩොලරයේ විකුණුම් මිල ඉහළ ගොස් ඇත.
කෙසේවෙතත් ඉන් අනතුරුව ශ්රී ලංකා මහ බැංකුව විසින් ගනු ලැබූ ප්රතිපත්තිමය ක්රියාමාර්ග හමුවේ ක්රමයෙන් රුපියල අවප්රමාණය පාලනය වූ අතර 2023 වසර අවසානය වන විට රුපියල් 328.77ක් දක්වාත් පහළ ගොස් ඇත.