මහනුවර ඇසළ පෙරහැර මංගල්යයේ විචිත්රවත් අවසන් රන්දෝලි පෙරහැර අද (27) වීදී සංචාරය කිරීමට නියමිතයි.උඩුවියන් පාවඩ සහිතව මංගල හස්තියා පෙරහැර කරඬුව වඩම්මවනු ලබන්නේ අද දිනයේයි.දළදා මාලිගාවේ වත්මන් ගිහි භාරකරු දියවඩන නිලමේ නිලංග දෑල මහතාගේ ප්රමුඛත්වයෙන් පැවැත්වෙන විසි එක් වන පෙරහැර මෙය බවයි සඳහන්.ඇසළ පෙරහැර මංගල්යයේ වැඩිම අලි ඇතුන් සංඛ්යාවක් ගමන් කරන සහ උඩරට නර්තන කණ්ඩායම් සංඛ්යාත්මකව වැඩි ගණනක් පෙරහැරේ ගමන් කරන අලංකාරවන්ම පෙරහැර පැවැත්වෙන්නේ අද දිනයේයි.
පෙරහැර සඳහා පොලිසිය විසින් විශේෂ ආරක්ෂක වැඩපිළිවෙලක් සහ රථවාහන සැලැස්මක් ක්රියාත්මක කර තිබේ.ඒ අනුව අද (27) දින පස්වරු 06.43ට ආරම්භ වන මෙම පෙරහර දළදා වීදිය, යටිනුවර වීදිය, කන්දේ වීදිය, ඩී.එස්. සේනානායක වීදිය සහ රජ වීදිය ඔස්සේ කිලෝමීටර් 02යි මීටර් 150ක දුරක් වීථි සංචාරය කර නැවත මාලිගාවට ගෙවදීමට නියමිතයි.
එසේම පෙරහැර පැවැත්වෙන කාලසීමාව තුළ මහනුවර නගරය තුළ ක්රියාත්මක විශේෂ රථවාහන සැලැස්ම පහතින්,
කටුගස්තොට සිට මහනුවර නගරයට පැමිණෙන සියළුම බර වාහන මහයියාව හන්දියෙන් තිලක් රත්නායක මාවත ඔස්සේ පොලිසිය හන්දියෙන් මහනුවර නගරය වෙත ගමන් කළ හැකියි.කටුගස්තොට දෙසින් පැමිණෙන සැහැල්ලු වාහන ඩී.එස්. සේනානයක වීදිය ඔස්සේ පැමිණ හරස් වීදිය ඔස්සේ යටිනුවර වීදියට පැමිණ දකුණට හැරී මීරමක්කම් පල්ලිය අසලින් වමට ධාවනය කර තිලක් රත්නායක මාවත ඔස්සේ ගමන් කළ හැකිය. කටුගස්තොට දෙසට පිටවන වාහන පොලිසිය හන්දියෙන් තිලක් රත්නායක මාවත ඔස්සේ මහයියාව දෙසට ගමන් කිරීමේ හැකියාව පවතියි.
තැන්නේ කුඹුර හා අම්පිටිය දෙසින් පැමිණෙන වාහන සංඝරාජ මාවතඔස්සේ වේල්ස් පාර්ක් හන්දියට පැමිණ ඇහැලේපොළ කුමාරිහාමි මාවතෙන් දකුණට හැරී බෝගම්බර, දුම්රිය පොළ අසලින්ද කොළඹ දෙසට ගමන් කරන වාහන වම් පසටද, නගරය දෙසට ගමන් කරන වාහන දකුණු පසටද ගමන් කළ හැකියි.එසේම රජපිහිල්ල මාවත හන්දියෙන් පල්ලිය පාර ඔස්සේ මහනුවර නගරයට ඇතුළු විය හැකියි.නගරයේ සිට අම්පිටිය, තෙල්දෙණිය මාර්ගයේ ගමන් කරන වාහන ඔරලෝසු කණුව වටරවුමෙන් දළඳා වීදිය ඔස්සේ පැමිණ රැජිණ හෝටලයේ පැති දොරටුව අසලින් ජෝයි බෝට්ටු සේවය පසු කර සංඝරාජ මාවත ඔස්සේ ගමන් කළ හැකියි.
තවද, බෝගම්බර වට රවුමේ ඇහැලේපොළ කුමාරිහාමි මාවත, රජපිහිල්ල මාවත, වේල්ස් පාර්ක් හන්දිය හරහා සංඝරාජ මාවත ඔස්සේ අම්පිටිය හා තැන්නේ කුඹුර දෙසට ගමන් කළ හැකියි.පල්ලිය පාර දෙපසටම ගමන් කිරීමට හැකි පරිදි බෙදා වෙන් කර තිබේ.කොළඹ දෙසින් මහනුවර නගරයට ඇතුළු වීමට හා මහනුවර නගරයෙන් කොළඹ දෙසට පිට වීමට විලියම් ගොපල්ලව මාවත හා පරණ පේරාදෙණිය පාර දෙපසටම භාවිතා කළ හැකියි.