රුසියාවෙන් දැඩි අනතුරු ඇඟවීම් එල්ල වී තිබියදීත්, යුක්රේනයට ලබාදෙන බ්රිතාන්ය සහය කිසිදු ආකාරයකින් අඩු නොකරන බව බ්රිතාන්ය අගමැති ඇන්ඩි බර්න්හැම් අවධාරණය කර තිබේ.බ්රිතාන්ය නිෂ්පාදිත ඩ්රෝන යානා යුක්රේනය විසින් රුසියානු භූමියේ සිදුකළ මෑත ප්රහාර සඳහා භාවිත කර ඇති බවට පළ වූ වාර්තා පසුබිම් කරගෙන මොස්කව් මෙම අනතුරු ඇඟවීම සිදුකර ඇත. බ්රිතාන්ය ආරක්ෂක අමාත්යාංශය එම ඩ්රෝන භාවිතය සම්බන්ධ වාර්තා තහවුරු කර නොමැති අතර, යුක්රේනය සම්බන්ධයෙන් ලන්ඩනයේ ස්ථාවරය වෙනස් නොවන බව අවධාරණය කර ඇත.රුසියාවේ ලන්ඩන් තානාපති කාර්යාලය බ්රිතාන්යයට “ප්රතිවිපාක”වලට මුහුණදීමට සිදුවිය හැකි බවට අනතුරු අඟවා ඇති අතර, යුක්රේන යුද්ධයට බ්රිතාන්යය තවදුරටත් සම්බන්ධ කර ගැනීමට ලන්ඩනය කටයුතු කරමින් සිටින බවට මොස්කව් චෝදනා කර තිබේ. රුසියානු විදේශ අමාත්ය සර්ගෙයි ලැව්රොව් පවා බ්රිතාන්යය යුද්ධයේ පාර්ශ්වකරුවෙකු ලෙස සැලකීමට රුසියාවට සිදුවිය හැකි බව පවසා ඇත.එහෙත් බර්න්හැම් පවසා ඇත්තේ බ්රිතාන්යය යුක්රේනයට “100%ක් සහය දක්වන” බවයි. යුක්රේනයේ අවශ්යතාවේදී බ්රිතාන්යය එරට සමඟ සිටින බවත්, රුසියානු තර්ජන හේතුවෙන් එම ප්රතිපත්තිය වෙනස් නොකරන බවත් ඔහු අවධාරණය කර තිබේ.මේ අතර, 2026 අවසන් වනවිට යුක්රේනයට ඩ්රෝන යානා 150,000ක් ලබාදීම සඳහා බ්රිතාන්යය පවුම් මිලියන 752ක ආධාර පැකේජයකට කැපවී සිටින බව රොයිටර් පුවත් සේවය වාර්තා කරයි. එය ඩොලර් මිලියන 996කට පමණ සමාන වේ.මෙම තත්ත්වය ඇතිවන්නේ රුසියානු භූමියට එල්ල කරන යුක්රේන දිගු දුර ඩ්රෝන ප්රහාර ඉහළ යමින් තිබෙන පසුබිමකය. එබැවින් බ්රිතාන්යය යුක්රේනයට ආයුධ හා ඩ්රෝන ඇතුළු මිලිටරි සහය අඛණ්ඩව ලබාදීමට ගෙන ඇති තීරණය, මොස්කව් සහ ලන්ඩන් අතර දැනටමත් පවතින ආතතිය තවදුරටත් උත්සන්න කළ හැකි බව විශ්ලේෂකයෝ පෙන්වා දෙති.ඇන්ඩි බර්න්හැම් 2026 ජූලි 20 වැනිදා බ්රිතාන්ය අගමැති ධුරයට පත්වූ අතර, බ්රිතාන්ය රජයේ නිල තොරතුරු අනුව ඔහු මේ වනවිට එම ධුරයේ කටයුතු කරයි