පාර්ලිමේන්තුව අදත් (06) පෙ.ව.9.30ට රැස්වීමට නියමිතයි.
අද (06) දිනයේ පාර්ලිමේන්තු කටයුතුවල සංශෝධනයක් සිදුව තිබේ.
ඒ අනුව අංක 2473/14 දරන අතිවිශේෂ ගැසට් පත්රයේ පළ කර ඇති මහජන ආරක්ෂක ආඥාපනත යටතේ කරන ලද ප්රකාශනය ඇතුළත් යෝජනා සම්මතය පෙ.ව 11.30 සිට ප.ව 5.30 දක්වා විවාදයට ගැනීමට පාර්ලිමේන්තු කටයුතු පිළිබඳ කාරක සභාව තීරණය කළ බව පාර්ලිමේන්තුවේ මහ ලේකම් කුෂානි රෝහණදීර මහත්මිය පැවසුවා.
කථානායක වෛද්ය ජගත් වික්රමරත්න මහතාගේ ප්රධානත්වයෙන් පසුගියදා (03) පාර්ලිමේන්තු කටයුතු පිළිබඳ කාරක සභාව රැස්වූ අවස්ථාවේදීයි මෙම තීරණය ගෙන ඇත.
මේ අනුව එදින විවාදයට ගැනීමට නියමිතව තිබූ පෞද්ගලික මන්ත්රී යෝජනා සහ සභාව කල්තබන අවස්ථාවේ යෝජනාව වෙනත් දිනකදී විවාදයට ගැනීමටත් මෙහිදී තීරණය වී තිබේ.
තවද 2026.01.28 දිනැති අංක 2473/13 දරන අත්යවශ්ය මහජන සේවා පනත යටතේ යෝජනා සම්මතය ද අද (06) ප.ව 5.30 ට විවාදයකින් තොරව අනුමත කර ගැනීමටත් මෙහිදී එකඟත්වය පළ වී තිබේ.