එළඹෙන 20වනදා සිට ආසන පටි නීතිය බලාත්මක කරන බව මාර්ග ආරක්ෂාව පිළිබද ජාතික සභාව පවසයි.එහි සභාපති මංජුල කුලරත්න සඳහන් කළේ අධිවේගී මාර්ගවල ගමන් ගන්නා සියලු වාහනවල ආසන පටි පැළදීම අනිවාර්ය බවයි.
එමෙන්ම රථවාහනවල ඉදිරිපස මෙන්ම පසුපස ගමන් ගන්නා මගීන්ට ද ආසන පටි පැළඳවීම අනිවාර්ය කිරීමට රජය පියවර ගෙන තිබේ.එම නීතිය ක්රියාත්මක කිරීමට සහන කාලයක් ලබාදී තිබූ අතර එම කාලය ලබන 19වනදායින් අවසන් වන බවයි වාර්තා වෙයි.
ඒ අනුව ජුනි මස 20වනදා සිට මෙම නීතිය අනිවාර්යයෙන් ක්රියාත්මක කරන බව මාර්ග ආරක්ෂාව පිළිබද ජාතික සභාවේ සභාපති මංජුල කුලරත්න වැඩිදුරටත් සඳහන් කරයි.