2027 වසර සඳහා රජය ඉදිරිපත් කළ අයවැය යෝජනාවල වෛද්‍යවරුන් සහ සෞඛ්‍ය ක්ෂේත්‍රය සම්බන්ධයෙන් අන්තර්ගත කරුණු පිළිබඳව ගැඹුරු අධ්‍යයනයක් සිදුකර ඉදිරි වෘත්තීය ක්‍රියාමාර්ග තීරණය කිරීම සඳහා රජයේ වෛද්‍ය නිලධාරීන්ගේ සංගමය (GMOA) ලබන 19 වැනි බ්‍රහස්පතින්දා හදිසි මධ්‍යම කාරක සභා රැස්වීමක් කැඳවීමට තීරණය කර තිබේ.
මේ බව තීරණය කර ඇත්තේ 2027 අයවැය යෝජනා සම්බන්ධයෙන් සාකච්ඡා කිරීම සඳහා එම සංගමයේ විධායක කමිටුව ඊයේ (13) පැවැත්වූ හදිසි රැස්වීමේදීය.
එහිදී අවධානයට ලක්වී ඇත්තේ ජනාධිපතිවරයා විසින් පාර්ලිමේන්තුවට ඉදිරිපත් කරන ලද අයවැය කතාවේ සහ ඊට අදාළ ලේඛනවල සඳහන් සෞඛ්‍ය ක්ෂේත්‍රයට අදාළ යෝජනා හා පසුගිය ජූලි 31 වැනිදා රජයේ වෛද්‍ය නිලධාරීන්ගේ සංගමය විසින් රජයට ඉදිරිපත් කරන ලද අයවැය යෝජනාවලිය අතර පැහැදිලි පරස්පරතා පවතින බවයි.
මෙම පරස්පරතා පිළිබඳව විද්‍යාත්මක හා පුළුල් විශ්ලේෂණයක් සිදුකිරීම සඳහා විශේෂඥ වෛද්‍ය සංජීව තෙන්නකෝන් මහතාගේ ප්‍රධානත්වයෙන් විශේෂ කමිටුවක් පත් කිරීමට ද විධායක කමිටුව තීරණය කර ඇත. එම කමිටුවේ නිර්දේශ ඇතුළත් වාර්තාව ලබන 17 වැනි අඟහරුවාදා ලබාගැනීමට නියමිතය.
එසේම අයවැය කතාවට අදාළ සියලු ලේඛන දිවයින පුරා පිහිටි සංගමයේ ශාඛා සමිති වෙත යොමුකර ඇති අතර, ඒවා වහාම රැස්වී අයවැය යෝජනා පිළිබඳ සාමාජිකත්වයේ අදහස් හා යෝජනා ලබාගෙන ලබන 17 වැනිදාට පෙර විශේෂ කමිටුව වෙත ඉදිරිපත් කරන ලෙස දැනුම් දී තිබේ.
2027 අයවැයෙන් සෞඛ්‍ය සේවය පවත්වාගෙන යාම හා සංවර්ධනය කිරීම සඳහා රුපියල් බිලියන 131ක ප්‍රාග්ධන වියදම් ප්‍රතිපාදන වෙන්කර ඇති අතර, වෛද්‍ය නිලධාරීන්ගේ බාධා, ලබාගත හැකි බව සහ ප්‍රවාහන දීමනාව (DAT Allowance) රුපියල් 70,000 සිට රුපියල් 95,000 දක්වා ඉහළ නැංවීමට ද යෝජනා කර තිබේ. හෙද නිලධාරීන්ගේ සහ පරිපූරක වෛද්‍ය සේවාවල නිලධාරීන්ගේ විශේෂ රාජකාරි දීමනාව රුපියල් 6,000 සිට රුපියල් 12,000 දක්වාත්, අනෙකුත් සෞඛ්‍ය කාර්ය මණ්ඩලවල දීමනාව රුපියල් 2,000 සිට රුපියල් 4,000 දක්වාත් වැඩි කිරීමට යෝජනා කර ඇත. එම දීමනා වැඩිවීම්වලින් සියයට 50ක් 2027 ජූලි මාසයේ සිටත් ඉතිරි සියයට 50ක් 2028 වසරේදීත් ගෙවීමට නියමිතය.
කෙසේ වෙතත්, සංගමය මීට පෙර රජයට ඉදිරිපත් කළ යෝජනාවලට වෛද්‍යවරුන්ගේ වැටුප් හා දීමනා සම්බන්ධ ගැටලු විසඳීම, අතිකාල හා නිවාඩු දින දීමනා නිසි පරිදි ගෙවීම, වෛද්‍ය සේවයේ මානව සම්පත් ස්ථාවරත්වය තහවුරු කිරීම සහ වෛද්‍යවරුන් රට තුළ රඳවා ගැනීම සඳහා විධිමත් වැඩපිළිවෙළක් සකස් කිරීම වැනි කරුණු ඇතුළත් වී තිබිණි.
ලබන 19 වැනිදා පැවැත්වෙන මධ්‍යම කාරක සභා රැස්වීමේදී ශාඛා සමිතිවලින් ලැබෙන අදහස් හා යෝජනා මෙන්ම විශේෂඥ කමිටු වාර්තාව ද ගැඹුරින් සමාලෝචනය කිරීමට නියමිතය.
මෙරට සෞඛ්‍ය සේවයේ ගුණාත්මකභාවය හා අඛණ්ඩ පැවැත්ම තහවුරු කිරීම සඳහා වෛද්‍යවරුන් සහ විශේෂඥ වෛද්‍යවරුන් විදේශගත වීම අවම කර ඔවුන් රට තුළ රඳවා ගැනීමට දිරිගැන්වෙන තිරසාර වැඩපිළිවෙළක් ක්‍රියාත්මක කිරීම වෙනුවෙන් ගත යුතු ඉදිරි වෘත්තීය ක්‍රියාමාර්ග එහිදී නිල වශයෙන් තීරණය කරන බව සංගමයේ ලේකම් වෛද්‍ය යු.කේ.බී. වරකාගොඩ මහතාගේ අත්සනින් නිකුත් කළ නිවේදනයේ වැඩිදුරටත් සඳහන් වේ.
2027 වසර සඳහා රජය ඉදිරිපත් කළ අයවැය යෝජනාවල වෛද්‍යවරුන් සහ සෞඛ්‍ය ක්ෂේත්‍රය සම්බන්ධයෙන් අන්තර්ගත කරුණු පිළිබඳව ගැඹුරු අධ්‍යයනයක් සිදුකර ඉදිරි වෘත්තීය ක්‍රියාමාර්ග තීරණය කිරීම සඳහා රජයේ වෛද්‍ය නිලධාරීන්ගේ සංගමය (GMOA) ලබන 19 වැනි බ්‍රහස්පතින්දා හදිසි මධ්‍යම කාරක සභා රැස්වීමක් කැඳවීමට තීරණය කර තිබේ.
මේ බව තීරණය කර ඇත්තේ 2027 අයවැය යෝජනා සම්බන්ධයෙන් සාකච්ඡා කිරීම සඳහා එම සංගමයේ විධායක කමිටුව ඊයේ (13) පැවැත්වූ හදිසි රැස්වීමේදීය.
එහිදී අවධානයට ලක්වී ඇත්තේ ජනාධිපතිවරයා විසින් පාර්ලිමේන්තුවට ඉදිරිපත් කරන ලද අයවැය කතාවේ සහ ඊට අදාළ ලේඛනවල සඳහන් සෞඛ්‍ය ක්ෂේත්‍රයට අදාළ යෝජනා හා පසුගිය ජූලි 31 වැනිදා රජයේ වෛද්‍ය නිලධාරීන්ගේ සංගමය විසින් රජයට ඉදිරිපත් කරන ලද අයවැය යෝජනාවලිය අතර පැහැදිලි පරස්පරතා පවතින බවයි.
මෙම පරස්පරතා පිළිබඳව විද්‍යාත්මක හා පුළුල් විශ්ලේෂණයක් සිදුකිරීම සඳහා විශේෂඥ වෛද්‍ය සංජීව තෙන්නකෝන් මහතාගේ ප්‍රධානත්වයෙන් විශේෂ කමිටුවක් පත් කිරීමට ද විධායක කමිටුව තීරණය කර ඇත. එම කමිටුවේ නිර්දේශ ඇතුළත් වාර්තාව ලබන 17 වැනි අඟහරුවාදා ලබාගැනීමට නියමිතය.
එසේම අයවැය කතාවට අදාළ සියලු ලේඛන දිවයින පුරා පිහිටි සංගමයේ ශාඛා සමිති වෙත යොමුකර ඇති අතර, ඒවා වහාම රැස්වී අයවැය යෝජනා පිළිබඳ සාමාජිකත්වයේ අදහස් හා යෝජනා ලබාගෙන ලබන 17 වැනිදාට පෙර විශේෂ කමිටුව වෙත ඉදිරිපත් කරන ලෙස දැනුම් දී තිබේ.
2027 අයවැයෙන් සෞඛ්‍ය සේවය පවත්වාගෙන යාම හා සංවර්ධනය කිරීම සඳහා රුපියල් බිලියන 131ක ප්‍රාග්ධන වියදම් ප්‍රතිපාදන වෙන්කර ඇති අතර, වෛද්‍ය නිලධාරීන්ගේ බාධා, ලබාගත හැකි බව සහ ප්‍රවාහන දීමනාව (DAT Allowance) රුපියල් 70,000 සිට රුපියල් 95,000 දක්වා ඉහළ නැංවීමට ද යෝජනා කර තිබේ. හෙද නිලධාරීන්ගේ සහ පරිපූරක වෛද්‍ය සේවාවල නිලධාරීන්ගේ විශේෂ රාජකාරි දීමනාව රුපියල් 6,000 සිට රුපියල් 12,000 දක්වාත්, අනෙකුත් සෞඛ්‍ය කාර්ය මණ්ඩලවල දීමනාව රුපියල් 2,000 සිට රුපියල් 4,000 දක්වාත් වැඩි කිරීමට යෝජනා කර ඇත. එම දීමනා වැඩිවීම්වලින් සියයට 50ක් 2027 ජූලි මාසයේ සිටත් ඉතිරි සියයට 50ක් 2028 වසරේදීත් ගෙවීමට නියමිතය.
කෙසේ වෙතත්, සංගමය මීට පෙර රජයට ඉදිරිපත් කළ යෝජනාවලට වෛද්‍යවරුන්ගේ වැටුප් හා දීමනා සම්බන්ධ ගැටලු විසඳීම, අතිකාල හා නිවාඩු දින දීමනා නිසි පරිදි ගෙවීම, වෛද්‍ය සේවයේ මානව සම්පත් ස්ථාවරත්වය තහවුරු කිරීම සහ වෛද්‍යවරුන් රට තුළ රඳවා ගැනීම සඳහා විධිමත් වැඩපිළිවෙළක් සකස් කිරීම වැනි කරුණු ඇතුළත් වී තිබිණි.
ලබන 19 වැනිදා පැවැත්වෙන මධ්‍යම කාරක සභා රැස්වීමේදී ශාඛා සමිතිවලින් ලැබෙන අදහස් හා යෝජනා මෙන්ම විශේෂඥ කමිටු වාර්තාව ද ගැඹුරින් සමාලෝචනය කිරීමට නියමිතය.
මෙරට සෞඛ්‍ය සේවයේ ගුණාත්මකභාවය හා අඛණ්ඩ පැවැත්ම තහවුරු කිරීම සඳහා වෛද්‍යවරුන් සහ විශේෂඥ වෛද්‍යවරුන් විදේශගත වීම අවම කර ඔවුන් රට තුළ රඳවා ගැනීමට දිරිගැන්වෙන තිරසාර වැඩපිළිවෙළක් ක්‍රියාත්මක කිරීම වෙනුවෙන් ගත යුතු ඉදිරි වෘත්තීය ක්‍රියාමාර්ග එහිදී නිල වශයෙන් තීරණය කරන බව සංගමයේ ලේකම් වෛද්‍ය යු.කේ.බී. වරකාගොඩ මහතාගේ අත්සනින් නිකුත් කළ නිවේදනයේ වැඩිදුරටත් සඳහන් වේ.