අත්‍යවශ්‍ය ආහාර ද්‍රව්‍ය කිහිපයක් ආනයනය කිරීමේදී අය කරනු ලබන විශේෂ වෙළෙඳ භාණ්ඩ බදු (Special Commodity Levy) සංශෝධනය කරමින් නිකුත් කළ ගැසට් නිවේදනය ප්‍රකාශයට පත් කර තිබේ.ඒ අනුව, 2027 වසර සඳහා වන අයවැය පාර්ලිමේන්තුවට ඉදිරිපත් කරමින් ජනාධිපති අනුර කුමාර දිසානායක මහතා කළ යෝජනාවට අනුව මෙම බදු සංශෝධන ඊයේ (12) මධ්‍යම රාත්‍රියේ සිට එනම් අද (13) සිට ක්‍රියාත්මක වන පරිදි ගැසට් කර ඇත.මෙම සංශෝධනය යටතේ ආනයනික හාල්මැස්සන් කිලෝග්‍රෑමයක් සඳහා මෙතෙක් අය කළ රුපියල් 100ක විශේෂ වෙළෙඳ භාණ්ඩ බද්ද රුපියල් 10 දක්වා අඩු කර තිබේ. ආනයනික උම්බලකඩ කිලෝග්‍රෑමයක් සඳහා මෙතෙක් අය කළ රුපියල් 302ක බද්ද ද රුපියල් 10 දක්වා අඩු කර ඇත.මීට අමතරව, කුඩු කළ සහ කුඩු නොකළ වියළි මිරිස් සඳහා කිලෝග්‍රෑමයකට අය කරනු ලබන විශේෂ වෙළෙඳ භාණ්ඩ බද්ද රුපියල් 50කින් අඩු කිරීමට ද පියවර ගෙන තිබේ.ආහාර ද්‍රව්‍යවල මිල ඉහළ යාම හේතුවෙන් පාරිභෝගික ජනතාව මුහුණ දෙන ජීවන වියදම් පීඩනය අවම කිරීමේ අරමුණින් මෙම බදු සහනය හඳුන්වා දෙන බව ජනාධිපතිවරයා අයවැය ඉදිරිපත් කරමින් සඳහන් කළේය.කෙසේ වෙතත්, මෙම බදු සංශෝධනය යටතේ සියලුම ආහාර ද්‍රව්‍ය සඳහා බදු අඩු කර නොමැති අතර, දේශීය සීනි කර්මාන්තය ආරක්ෂා කිරීමේ අරමුණින් ආනයනික සීනි කිලෝග්‍රෑමයක් සඳහා අය කරන විශේෂ වෙළෙඳ භාණ්ඩ බද්ද රුපියල් 10කින් ඉහළ නැංවීමට ද යෝජනා කර තිබේ.මුදල් අමාත්‍යාංශය විසින් නිකුත් කරන ලද 2026 නොවැම්බර් 12 දිනැති අංක 2514/31 දරන අතිවිශේෂ ගැසට් නිවේදනය මගින් මෙම බදු සංශෝධන නීත්‍යනුකූලව බලාත්මක කර ඇත. එම නියෝගය 2027 දෙසැම්බර් 31 දක්වා බලපැවැත්වීමට නියමිතය.