පසුගිය දිනවල වන අලින් 21ක් වෙඩි ප්‍රහාරවලට ලක්වී ඇති බවත් එම සිදුවීම්වල සමාන තත්ත්වයත් නිරීක්ෂණය වන බවත් ඒ නිසා ඒ පිළිබඳ විශේෂ විමර්ශනයක් ආරම්භ කර ඇති බව පරිසර නියෝජ්‍ය අමාත්‍ය ඇන්ටන් ජයකොඩි මහතා පවසයි.ඊයේ (25) පොළොන්නරුව ප්‍රදේශයේදී ඔහු මෙම අදහස් පළ කොට තිබේ.පසුගිය කාලය තුළ විවිධ හේතුන් මත වනඅලි ජීවිතක්ෂයට පත්වීමේ සිදුවීම් රැසක්ම දිවයිනේ ප්‍රදේශ කිහිපයකින් වාර්තා වූ අතර ‘භාතිය ඇතා’ගේ මරණයත් සමඟ මුළු රටේම සානුකම්පිත අවධානය වන අලි මරණ සඳහා යොමු වීම දැකගත හැකි විය.ඒ සම්බන්ධයෙන් බොහෝ පරිසරවේදීන් සහ සත්ව හිමිකම් ක්‍රියාධරයන් පවසනුයේ වත්මන් ආණ්ඩුවේ නව ජීවී සංරක්ෂණ ක්‍රියාවලිය බිඳ වැටීම මෙම තත්වයට ප්‍රධාන වශයෙන් හේතු වන බවයි.